വിദ്യാർഥിനിയോട് അപമര്യാദ; മധ്യവയസ്കൻ പിടിയിൽ

കാക്കനാട്: കോളജ് വിദ്യാർഥിനിയോട് ബസിൽ അപമര്യാദയായി പെരുമാറിയ മധ്യവയസ്കൻ അറസ്റ്റിൽ. കിഴക്കമ്പലം തൊഴുത്തുംകുടി വീട്ടിൽ ജയിംസിനെയാണ് (52) തൃക്കാക്കര പൊലീസ് പിടികൂടിയത്. യുവതിയുടെ ശരീരത്തോട് ചേർന്നുനിന്നും മറ്റും മോശമായി പെരുമാറുകയായിരുന്നു. വിദ്യാർഥിനി ബഹളംവെച്ചതോടെ യാത്രക്കാരും ബസ് ജീവനക്കാരും ചേർന്ന് പിടികൂടി പൊലീസിൽ ഏൽപിക്കുകയായിരുന്നു. തുടർന്ന് പെൺകുട്ടി രേഖാമൂലം പരാതി നൽകിയ സാഹചര്യത്തിലാണ് കേസെടുത്ത് അറസ്റ്റ് ചെയ്തത്. ഫോട്ടോ: ജയിംസ്