മഹോത്സവത്തിന് ഇന്ന് തുടക്കം

മൂവാറ്റുപുഴ: എസ്.എൻ.ഡി.പി യോഗം മൂവാറ്റുപുഴ യൂനിയ‍ൻെറ കീഴിലെ ശ്രീകുമാരഭജന ദേവസ്വം ക്ഷേത്രത്തിലെ കുഭപ്പൂയ മഹോത്സവം തിങ്കളാഴ്ച മുതൽ 14 വരെ നടക്കുമെന്ന് യൂനിയൻ പ്രസിഡന്‍റ്​ വി.കെ. നാരായണൻ, വൈസ് പ്രസിഡന്‍റ്​ പി.എൻ. പ്രഭ, സെക്രട്ടറി ഇൻ ചാർജ് എ.കെ. അനിൽകുമാർ, ക്ഷേത്ര കമ്മിറ്റി കൺവീനർ പി.വി. അശോകൻ എന്നിവർ പറഞ്ഞു. ഒന്നാം ദിവസം രാവിലെ 5.05ന് നിർമാല്യദർശനം, 10.20നും 11നും മധ്യേ ക്ഷേത്രം തന്ത്രി പറവൂർ രാകേഷി‍ൻെറ മുഖ്യ കാർമികത്വത്തിൽ തൃക്കൊടിയേറ്റ്. രണ്ടാം ദിവസം വൈകീട്ട്​ ഏഴിന് വിശേഷാൽ സമൂഹ ഭഗവതി സേവ, നാലാം ദിവസം പൂജകൾ പതിവുപോലെ. അഞ്ചാം ദിവസം വൈകീട്ട് രാ​ത്രി 8.30ന് ട്രാക്ക് ഗാനമേള. ആറാം ദിവസം വൈകീട്ട് അഞ്ചിന് കാവടി ഘോഷയാത്ര, രാത്രി 8.30ന് ഗാനസന്ധ്യ. എഴാം ദിവസം രാവിലെ 10.30ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ക്ഷേത്ര ഗോപുരസമർപ്പണം നടത്തും. എട്ടാം ദിവസം ആറാട്ട് മഹോത്സവം.