നന്മയുടെ ആൾരൂപമായിരുന്നു -കെ. ബാബു

കൊച്ചി: പാർശ്വവത്​കരിക്കപ്പെട്ടവരുടെ ക്ഷേമത്തിനായി ജീവിതം നയിച്ച വ്യക്തിയായിരു​ന്നു പാണക്കാട് ഹൈദരലി ശിഹാബ് തങ്ങളെന്ന്​ കെ. ബാബു എം.എൽ.എ അനുശോചന സന്ദേശത്തിൽ പറഞ്ഞു. നന്മയുടെ ആൾരൂപമായിരുന്ന അദ്ദേഹം ദേശീയതയുടെ വക്താവും മതേതരത്വത്തി‍ൻെറ പ്രതീകവുമായിരുന്നു. സമൂഹത്തിൽ വർഗീയ ചേരിതിരുവുകൾ സൃഷ്ടിച്ച് ഭിന്നിപ്പിക്കാൻ ശ്രമിക്കുന്ന ശക്തികൾക്ക് മുന്നിൽ സൂഫി ഭാവം മുറുകെപ്പിടിച്ച് എല്ലാവരെയും ചേർത്തണച്ച ആത്മീയ നേതാവാണെന്നും അനുസ്​മരിച്ചു.