വെള്ളാപ്പള്ളിക്കെതിരെ ഗോകുലം ഗോപാലൻ വക്കീൽനോട്ടീസ്​ അയച്ചു

ആലപ്പുഴ: മാനഹാനിയും മാനസികപീഡനവും ഉണ്ടാകുന്ന തരത്തിൽ മാധ്യമങ്ങൾവഴി തന്നെ നിരന്തരം ആക്ഷേപിക്കുന്നുവെന്ന്​ ആരോപിച്ച്​ വെള്ളാപ്പള്ളി നടേശനെതിരെ ഗോകുലം ഗോപാലൻ വക്കീൽനോട്ടീസ്​ അയച്ചു. ​ഫെബ്രുവരി 21നും 22നും മാധ്യമങ്ങൾവഴി വന്ന വാർത്ത തിരുത്തി മാപ്പുപറയണമെന്നാണ്​ ആവശ്യം. നഷ്ടപരിഹാരമായി 10 കോടി ആവശ്യപ്പെട്ട്​ ഹൈകോടതി അഭിഭാഷകൻ സി. ഉണ്ണികൃഷ്ണൻ മുഖേനയാണ്​ നിയമനടപടിക്കൊരുങ്ങുന്നത്​.