ടാറ്റൂ ആര്‍ട്ടിസ്റ്റിനെതിരെ മീ ടൂ ആരോപണം

കൊച്ചി: ടാറ്റൂ ആര്‍ട്ടിസ്റ്റിനെതിരെ മീ ടൂ ആരോപണവുമായി പെൺകുട്ടികൾ. പാലാരിവട്ടം പാടിവട്ടത്ത്​ പ്രവർത്തിക്കുന്ന ടാറ്റൂ സ്റ്റുഡിയോയിലെ ആർട്ടിസ്റ്റിനെതിരെയാണ് ലൈംഗികാതിക്രമം നടത്തിയെന്ന പരാതിയുമായി പെൺകുട്ടികൾ രംഗത്തുവന്നത്. ഇൻസ്റ്റഗ്രാമിലൂടെയും റെഡിറ്റിലൂടെയും പലരും ദുരനുഭവം പങ്കുവെക്കുകയായിരുന്നു. ഒരാഴ്ച മുമ്പ് തനിക്കുനേരെയുണ്ടായ ലൈംഗികാതിക്രമത്തെക്കുറിച്ച് ഒരുയുവതി റെഡിറ്റിലാണ്​ ആദ്യമായി എഴുതിയത്​. രണ്ടുവർഷം മുമ്പ് സമാന അനുഭവമുണ്ടായതായി മറ്റൊരു യുവതിയും സമൂഹ മാധ്യമത്തിൽ കുറിച്ചു.