മരട് നഗരസഭ ബജറ്റ് നിർദേശങ്ങള്‍ സ്വീകരിക്കുന്നു

മരട്: 2022-23 സാമ്പത്തിക വര്‍ഷത്തെ ബജറ്റ് അവതരണത്തിന്​ മുന്നോടിയായി മരട് നഗരസഭ നിവാസികളില്‍നിന്ന്​ നിർദേശങ്ങള്‍ സ്വീകരിക്കുന്നു. മരട് നഗരസഭ കാര്യാലയം, മരട് സർവിസ് സഹകരണ ബാങ്കിന്‍റെ പുതിയ കെട്ടിടം, നെട്ടൂരിലെ മരട് വില്ലേജ് ഓഫിസ് എന്നിവിടങ്ങളില്‍ ബോക്‌സുകള്‍ സ്ഥാപിക്കാന്‍ തീരുമാനിച്ചു. പ്രസ്തുത ബോക്‌സുകള്‍ സ്ഥാപിക്കൽ ബുധനാഴ്ച രാവിലെ 10.30ന് നഗരസഭ ചെയര്‍മാന്‍ ആന്‍റണി ആശാന്‍പറമ്പില്‍ നിർവഹിക്കും. നിര്‍ദേശങ്ങളും അഭിപ്രായങ്ങളും എഴുതി ബോക്‌സില്‍ ഈമാസം 10ന് മുമ്പ്​ നിക്ഷേപിക്കാം.