വയോധിക വീടിനുസമീപം പൊള്ളലേറ്റ്​ മരിച്ചനിലയിൽ

ചെറുതോണി: വയോധികയെ വീടിനുസമീപം പൊള്ളലേറ്റ് മരിച്ചനിലയിൽ കണ്ടെത്തി. പെരിയാർവാലി പുത്തൻപുരയിൽ റോസിലിയാണ് (65) മരിച്ചത്. വ്യാഴാഴ്ച ഉച്ചക്ക്​ രണ്ടിന് സ്ഥലത്തെത്തിയ സമീപവാസിയാണ് റോസിലിയെ പറമ്പിൽ പൊള്ളലേറ്റ് മരിച്ചുകിടക്കുന്നതായി കണ്ടത്. മൃതദേഹം കിടന്ന സ്ഥലത്തിന്​ സമീപം മാലിന്യം കത്തിച്ചതിന്‍റെ അടയാളമുണ്ട്. മാലിന്യം കൂട്ടിയിട്ട്​ കത്തിക്കുമ്പോൾ അബദ്ധത്തിൽ തീ പടർന്നുപിടിച്ചതാകാമെന്നാണ് പ്രാഥമിക നിഗമനം. ഇവരുടെ ഭർത്താവ്​ 12 വർഷം മുമ്പ് മരിച്ചിരുന്നു. അവിവാഹിതനായ മകനും റോസിലിയും മാത്രമായിരുന്നു വീട്ടിൽ താമസം. ഹോട്ടൽ ജീവനക്കാരനായ മകൻ പുലർച്ച ജോലിക്ക്​ പോയിരുന്നു. കഞ്ഞിക്കുഴി സി.ഐ സാം ജോസിന്‍റെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി മൃതശരീരം പോസ്റ്റ്മോർട്ടത്തിന്​ ഇടുക്കി മെഡിക്കൽ കോളജ്​ ആശുപത്രിയിലേക്ക്​ മാറ്റി. മക്കൾ: സിബി, ഹണി, ഹെൻസി. മരുമക്കൾ: ജിജോ, അമൽ. സംസ്കാരം വെള്ളിയാഴ്ച ഉച്ചക്ക്​ രണ്ടിന് ചുരുളി സെന്‍റ്​ തോമസ് ഫൊറോന പള്ളി സെമിത്തേരിയിൽ. ചിത്രം: idd-cheruthoni-rosily-65