ചെർക്കളം അബ്ദുല്ല പുരസ്കാരം ഡോ. മൂസക്കുഞ്ഞിന്

കൊച്ചി: മുസ്​ലിം ലീഗ് നേതാവും മുൻമന്ത്രിയുമായിരുന്നു ചെർക്കളം അബ്ദുല്ലയുടെ സ്മരണയ്ക്കായി കാസർകോട് ഷാർജ കെ.എം.സി.സി ജില്ല കമ്മിറ്റി ഏർപ്പെടുത്തിയ മികച്ച സേവനത്തിനുള്ള പുരസ്കാരം ഹൃദ്രോഗ ചികിത്സ വിദഗ്ധനും ഹാർട്ട് ലിങ്ക് ഫൗണ്ടേഷൻ ചെയർമാനുമായ ഡോ. മൂസക്കുഞ്ഞിന്. 28ന് ഷാർജയിൽ നടത്തുന്ന കാസർകോട്​ ഫെസ്റ്റിവലിൽ പുരസ്കാരം നൽകുമെന്ന് ഫൗണ്ടേഷൻ ഭാരവാഹികൾ വാർത്തസമ്മേളനത്തിൽ അറിയിച്ചു. ആരോഗ്യമേഖലയിലെ സമഗ്ര സംഭാവനകൾ പരിഗണിച്ചാണ് പുരസ്കാരം നൽകുന്നതെന്ന് പുരസ്കാര സമിതിയും അഭിപ്രായപ്പെട്ടു. ട്രസ്റ്റ് ഭാരവാഹികളായ ജാഫർ,സി.എ. നാസർ, കെ.ആർ. മധു തുടങ്ങിയവർ വാർത്തസമ്മേളനത്തിൽ പങ്കെടുത്തു. (ഫോട്ടോ)