സ്കൂട്ടർ കത്തിച്ച കേസിൽ രണ്ടുപേർ അറസ്റ്റിൽ

ചാരുംമൂട്: ഡി.വൈ.എഫ്.ഐ പാലമേൽ വടക്ക് മേഖല സെക്രട്ടറി അനന്ദുവിന്റെ വീട് ആക്രമിക്കുകയും വീട്ടുമുറ്റത്തിരുന്ന സ്കൂട്ടർ കത്തിക്കുകയും ചെയ്ത സംഭവത്തിൽ രണ്ടുപേരെ നൂറനാട് പൊലീസ് അറസ്റ്റ്​ ചെയ്തു. മുതുകാട്ടുകര വിഷ്ണുഭവനം ബിനു വിജയൻ (21), നൂറനാട് കോടംപറമ്പിൽ മുഹമ്മദ് ഹാഫിസ് (21) എന്നിവരുടെ അറസ്റ്റാണ് കോടതിയുടെ അനുമതിയോടെ രേഖപ്പെടുത്തിയത്. പരസ്യമായ ലഹരി ഉപയോഗം ചോദ്യം ചെയ്തതിന്റെ പേരിൽ നൂറനാടു​വെച്ച്​ ഡി.വൈ.എഫ്.ഐ പ്രവർത്തകരെ മർദിച്ച സംഭവത്തിൽ റിമാൻഡിൽ കഴിയുന്ന ഇവരെ കസ്റ്റഡിയിൽ വാങ്ങി തെളിവെടുപ്പ് നടത്തിയതായി സി.ഐ വി.ആർ. ജഗദീഷ് പറഞ്ഞു.