കടയിൽ വെച്ച്​ കാലിൽ തട്ടി; അടിപിടിക്കേസിൽ മൂന്നുപേർ അറസ്റ്റിൽ

അടിപിടിക്കേസിൽ മൂന്നുപേർ അറസ്റ്റിൽ കൊച്ചി: കടയിൽ സാധനങ്ങൾ വാങ്ങിക്കാൻ നിൽക്കവെ കാലിൽ തട്ടിയതിനെ ചോദ്യംചെയ്യുകയും അടിപിടിയിൽ കലാശിക്കുകയും ചെയ്ത സംഭവത്തിൽ പ്രതികൾ പിടിയിൽ. തേവര കോന്തുരുത്തി ചൈതന്യ നഗറിൽ ഉദയത്തറ വീട്ടിൽ സുനീഷ്​ (28), സഹോദരൻ നിധീഷ്​ (30) എന്നിവരെയാണ്​ എറണാകുളം സൗത്ത്​ പൊലീസ്​ അറസ്റ്റ്​ ചെയ്തത്​. ഇവർ ചുറ്റിക കൊണ്ട്​ ആക്രമിച്ചതായും പരാതിയിലുണ്ട്​. സംഭവത്തിൽ പരിക്കേറ്റ കടവന്ത്ര ചിറയന്തറ വീട്ടിൽ അനിൽകുമാറിനെ തിരിച്ചാക്രമിച്ച കേസിലും അറസ്റ്റ്​ ചെയ്തു. സുനീഷ്​ വധശ്രമ കേസുകളിൽ ഉൾപ്പെടെ പ്രതിയാണ്​. ഡെപ്യൂട്ടി പൊലീസ്​ കമീഷണർ വി.യു. കുര്യാക്കോസ്​, അസി. കമീഷണർ നിസാമുദ്ദീൻ എന്നിവരുടെ നേതൃത്വത്തിൽ സൗത്ത്​ പൊലീസ്​ ഇൻസ്​പെക്ടറും സംഘവും ചേർന്നാണ്​ പിടികൂടിയത്​.