സർവിസ്​ കാര്യങ്ങൾ​ ഇനി 'സന്ദേശി​ൽ'

തി​രുവനന്തപുരം: സംസ്ഥാന സർക്കാർ ജീവനക്കാരുടെ ഔദ്യോഗികവും സർവിസ്​ സംബന്ധവുമായ ആശയവിനിമയത്തിന്​ ഇനി സന്ദേശ്​ ആപ്​. വാട്​സ്​ആപ്പിന്​ ബദലായി കേന്ദ്ര സർക്കാർ രൂപകൽപന ചെയ്തതാണ്​ ഈ ആപ്​. സ്പാർക്കുമായി ആപ്​ ബന്ധിപ്പിച്ച്​ ഹാജർ, അവധി, യൂസർ ലോഗിൻ അടക്കം കാര്യങ്ങളിൽ ജീവനക്കാരന്‍റെ ഫോണിലേക്ക്​ സന്ദേശമെത്തും വിധത്തിലാണ്​​ ക്രമീകരണം. മൂന്നുമാസം മുമ്പ്​​ പൊതുഭരണം, ലോ സെക്ര​േട്ടറിയറ്റ്​, ധനകാര്യം, ട്രഷറീസ്​ വകുപ്പുകളിൽ പരീക്ഷണാടിസ്ഥാനത്തിൽ സന്ദേശ്​ ഏർപ്പെടുത്തിയിരുന്നു. ഫെബ്രുവരി 21 മുതൽ ​ മുഴുവൻ വകുപ്പുകളി​ലേക്കും ഇത്​ വ്യാപിപ്പിക്കുകയാണെന്ന്​ സർക്കാർ ഉത്തരവിൽ വ്യക്തമാക്കി. ഇതോടെ സംസ്ഥാനത്തെ 5.5 ലക്ഷത്തോളം സർക്കാർ ജീവനക്കാർ സന്ദേശ്​ ആപ്​ ഇൻസ്റ്റാൾ ചെയ്യണം. ​നേര​േത്ത നാല്​ വകുപ്പിലായി ആറായിരത്തോളം ജീവനക്കാരാണ്​ ആപ്​ ഉപയോഗിച്ചിരുന്നത്​. നിലവിൽ എസ്​.എം.എസായാണ്​ സ്പാർക്കുമായി ബന്ധപ്പെട്ട വിവരങ്ങൾ ജീവനക്കാർക്ക്​ ലഭിച്ചിരുന്നത്​. ഓൺലൈൻ സംവിധാനത്തിലേക്ക്​ പ്രവേശിക്കുമ്പോഴുള്ള ഒ.ടി.പി, ഡ്രോയിങ്​ ഡിസ്​​േബഴ്​സിങ്​ ഓഫിസർമാരിൽ (ഡി.ഡി.ഒ) നിന്ന്​ സാലറി സംബന്ധമായ അപ്​ഡേഷൻ, അവധി​ അംഗീകരിച്ച അറിയിപ്പുകൾ എന്നിവയെല്ലാം ഇനി ആപ്പിലാകും ലഭിക്കുക. സർക്കാർസംവിധാനങ്ങളിലെ മറ്റ്​ ആശയവിനിമയങ്ങളും ഘട്ടംഘട്ടമായി സന്ദേശിലേക്ക്​ മാറുമെന്നാണ്​ വിവരം. വാട്​സ്​ആപ്പിന്​ ബദലായി കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിനുകീഴിലുള്ള നാഷനൽ ഇൻഫോർമാറ്റിക്‌സ് സൻെററാണ്​ (എൻ.ഐ.സി) ആപ്​ തയാറാക്കിയത്​​. മൊബൈൽ നമ്പറോ ഇ-മെയിൽ ഐഡിയോ ഉപയോഗിച്ച്​ പ്ലാറ്റ്​ഫോം ഉപയോഗപ്പെടുത്താനാകും. വാട്സ്ആപ്പിന് സമാനമായി എൻഡ് ടു എൻഡ് എൻ‌ക്രിപ്റ്റ് ചെയ്താണ് സന്ദേശ് കൈമാറുന്നത്. ഒരിക്കൽ ഒരു ഫോൺ നമ്പർ അല്ലെങ്കിൽ ഇ-മെയിൽ ഐഡി ഉപയോഗിച്ച ലോഗിൻ ചെയ്താൽ മറ്റൊരു നമ്പറിലേക്ക് അക്കൗണ്ട് മാറ്റാൻ സാധിക്കില്ല എന്നതാണ് ആപ്പിന്‍റെ പ്രധാന പോരായ്മ. നിലവിലെ അക്കൗണ്ട് ഡിലീറ്റ് ചെയ്ത്​ പുതിയ നമ്പറിൽ പുതിയ അക്കൗണ്ട് തുടങ്ങുകയേ മാർഗമുള്ളൂ. എം.ഷിബു