അസ്ഹറുൽഉലൂം സനദ് ദാന സമ്മേളനം; ഖാലിദ് സൈഫുല്ലാഹ് റഹ്​മാനി മുഖ്യാതിഥി

photo- EKG ashar കൊച്ചി: ഞായറാഴ്ച വൈകീട്ട്​ നടക്കുന്ന ആലുവ അസ്ഹറുൽഉലൂം സനദ് ദാന സമ്മേളനത്തിൽ അഖിലേന്ത്യ മുസ്​ലിം പേഴ്​സനൽ ലോ ബോർഡ് സെക്രട്ടറി ജനറലും ഇസ്​ലാമിക് ഫിഖ്ഹ് അക്കാദമി ചെയർമാനുമായ മൗലാനാ ഖാലിദ് സൈഫുല്ലാഹ് റഹ്​മാനി അൽഖാസിമി മുഖ്യാതിഥിയായി പങ്കെടുക്കും. വിശ്വപണ്ഡിതനും മികച്ച വാഗ്മിയും ഗ്രന്ഥകാരനുമായ മൗലാനാ റഹ്​മാനി 148 യുവപണ്ഡിതന്മാർക്ക് സനദുകൾ നൽകും. ജമാഅത്തെ ഇസ്​ലാമി കേരള അമീർ എം.ഐ. അബ്ദുൽ അസീസ് സമ്മേളനം ഉദ്ഘാടനം ചെയ്യും. ചെയർമാൻ എം.എ. മൂസ അധ്യക്ഷത വഹിക്കും. ജംഇയ്യതുൽ ഉലമ ഹിന്ദ് സെക്രട്ടറി വി.എച്ച്. അലിയാർ അൽഖാസിമി, കേരള നദ്​വത്തുൽ മുജാഹിദീൻ സംസ്ഥാന സെക്രട്ടറി സലാഹുദ്ദീൻ മദനി തുടങ്ങിയവർ സംസാരിക്കും. രാവിലെ പത്തിന് പൂർവ വിദ്യാർഥി സമ്മേളനവും ഉച്ചക്ക്​ രണ്ടിന് സ്കോളേഴ്സ് മീറ്റും നടക്കും. വിദ്യാർഥികളുടെ കലാപരിപാടികളുമുണ്ടാകും.