അപകടകരമായി കാറോടിച്ച യുവാവിനെതിരെ കേസ്​

കാക്കനാട്: അമിത വേഗതയിൽ അശ്രദ്ധമായി വാഹനമോടിച്ച് പരിഭ്രാന്തി പരത്തിയ കാർ ഡ്രൈവർക്ക്​ ശിക്ഷയുമായി മോട്ടോർ വാഹന വകുപ്പ്. ചെറിയ കുട്ടികൾ അടക്കമുള്ള വിദ്യാർഥികൾ റോഡ് മുറിച്ചുകടക്കുന്നതിനിടെയാണ്​ അപകടകരമായി വാഹനമോടിച്ചത്​. ശനിയാഴ്ച രാവിലെ ചമ്പക്കര മാർക്കറ്റിന് അടുത്താണ് സംഭവമുണ്ടായത്. കൺമുന്നിലൂടെ അമിതവേഗതയിൽ ചീറിപ്പാഞ്ഞുപോകുന്ന കാർ ശ്രദ്ധയിൽപെട്ട ഉദ്യോഗസ്ഥർ പിന്തുടർന്ന് തടഞ്ഞുനിർത്തുകയായിരുന്നു. വാഹന ഡ്രൈവർക്കെതിരെ കേസെടുത്തതായി അധികൃതർ വ്യക്തമാക്കി.