ധർണ നടത്തും

കൊച്ചി: ആർ.ടി.പി.സി.ആർ നിരക്ക് 300 രൂപയാക്കി സർക്കാർ കുറച്ചതിനെതിരെ ഡി.എം.ഒ ഓഫിസിന് മുന്നിൽ ധർണ നടത്തുമെന്ന് മെഡിക്കൽ ലബോറട്ടറി ഓണേഴ്സ് അസോസിയേഷൻ ഭാരവാഹികൾ വാർത്തസമ്മേളനത്തിൽ അറിയിച്ചു. ഡി.എം.ഒ, കലക്ടർ എന്നിവർക്ക് നിവേദനവും നൽകും. നിരക്ക് കുറച്ച സർക്കാർ നടപടി അംഗീകരിക്കാനാകില്ലെന്ന്​ അവർ പറഞ്ഞു. അസോസിയേഷൻ ജില്ല പ്രസിഡൻറ് ബിജു നമ്പിത്താനം, ഡോ. ടി.എ. വർക്കി, ഡോ. രമേശ് കരാർ, ആൻറണി എലിജിയസ് തുടങ്ങിയവർ വാർത്തസമ്മേളനത്തിൽ പങ്കെടുത്തു.