അമേരിക്കൻ വോളിബോൾ താരങ്ങൾ എസ്.എൻ.വി അക്കാദമി സന്ദർശിച്ചു

പറവൂർ: അമേരിക്കൻ വോളിബാൾ യൂനിവേഴ്സിറ്റിയിലെ താരങ്ങളായ റെയ്ലി വോൺ, ആംബർ എന്നിവർ നന്ത്യാട്ടുകുന്നം എസ്.എൻ.വി സംസ്കൃതം ഹയർ സെക്കൻഡറി സ്കൂളിലെ മുത്തൂറ്റ് എസ്.എൻ.വി വോളിബാൾ അക്കാദമി സന്ദർശിച്ചു. അമേരിക്കയിൽ വോളിബാൾ കളി ആരംഭിച്ചതിന്‍റെ 127-ാം വാർഷികത്തിന്‍റെ ഭാഗമായി കായിക താരങ്ങൾ മറ്റ് രാജ്യങ്ങളിൽ സന്ദർശനം നടത്തുന്നതിന്‍റെ ഭാഗമായാണ് ഇവർ കേരളത്തിലെത്തിയത്. സ്കൂൾ മാനേജർ ഹരി വിജയൻ, പ്രിൻസിപ്പൽ വി. ബിന്ദു, സംസ്ഥാന വോളിബാൾ അസോസിയേഷൻ ജോയന്റ് സെക്രട്ടറി ടി.ആർ. ബിന്നി, മുത്തൂറ്റ് വോളിബാൾ പരിശീലകൻ എസ്. രാജൻ, പി.ബി. അഖിൽ, വിനോദ് നെല്ലിപ്പിള്ളി, പി.ബി. സിന്ധു എന്നിവർ ചേർന്നാണ് താരങ്ങളെ സ്വീകരിച്ചത്.