സ്​ത്രീയുടെ മാല കവർന്നു

ആലപ്പുഴ: വഴിയോരത്ത്​ പൂപറിക്കുന്ന സ്ത്രീയുടെ രണ്ടുപവന്‍റെ മാല കവർന്നു.​ ബൈക്കി​ലെത്തിയ സംഘം രക്ഷ​പ്പെട്ടു. വ്യാഴാഴ്ച വൈകീട്ട് ആറരയോടെ തത്തംപള്ളി ചേരമാൻകുളങ്ങര ക്ഷേത്രത്തിനടുത്താണ്​ സംഭവം. ഇതിന് സമീപത്ത്​​ താമസിക്കുന്ന ശോഭനയുടെ (64) മാലയാണ് അപഹരിച്ചത്. വിവരമറിഞ്ഞ്​ നോർത്ത്​ പൊലീസ്​ സ്ഥലത്തെത്തി കാര്യങ്ങൾ ചോദിച്ചറിഞ്ഞു. എന്നാൽ, സ്ത്രീയുടെ മൊഴിയെടുത്തിട്ടില്ല. ഇതിനുശേഷം കേസെടുക്കുമെന്ന്​ പൊലീസ്​ പറഞ്ഞു.