Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightതാഴികക്കുടം കവർച്ച:...

താഴികക്കുടം കവർച്ച: കള്ളക്കേസിൽ കുടുക്കിയതെന്ന്​ പ്രതികൾ; ബി.ജെ.പി നേതാവിന്​ ബന്ധമെന്ന്​ മൊഴി

text_fields
bookmark_border
ചെങ്ങന്നൂർ: മുതവഴി ശ്രീകുമാരമംഗലം സുബ്രഹ്മണ്യസ്വാമി ക്ഷേത്രത്തിലെ താഴികക്കുടം കവർച്ച കേസ് വീണ്ടും ചർച്ചയാകുന്നു. അപൂർവലോഹമായ ഇറിഡിയത്തിന്റെ സാന്നിധ്യമുണ്ടെന്ന്​ കരുതുന്ന താഴികക്കുടം 2011 ഒക്ടോബർ 20ന്​ പുലർച്ചയാണ്​ മോഷണം പോയതായി പുറത്തറിഞ്ഞത്. മൂന്നാംദിവസം മകുടം ഉപേക്ഷിച്ചനിലയിൽ സമീപത്തെ വീടിനടുത്ത്​​ കണ്ടെത്തി. പിന്നീട് താഴികക്കുടം പുനഃപ്രതിഷ്ഠിച്ചു. 2016 സെപ്റ്റംബർ 29ന്​ വീണ്ടും മോഷണശ്രമം നടന്നു. താഴികക്കുടം ഇളക്കി താഴെയിട്ടെങ്കിലും കൊണ്ടുപോകാൻ സാധിച്ചില്ല. സുരക്ഷ കണക്കിലെടുത്ത്​ പുതിയ താഴികക്കുടമാണ് പിന്നീട്​ പ്രതിഷ്ഠിച്ചത്. ഇതുമായി ബന്ധപ്പെട്ട്​ ചെങ്ങന്നൂർ പൊലീസ് രജിസ്റ്റർ ചെയ്ത കേസിലെ പ്രതികൾ മുഖ്യമന്ത്രിക്ക്​ പരാതി നൽകിയതോടെയാണ് സംഭവം വീണ്ടും ചർച്ചയാകുന്നത്. കേസിൽ ബി.ജെ.പി ജില്ല നേതാവിന്​ ബന്ധമുണ്ടെന്നും തങ്ങളെ കള്ളക്കേസിൽ കുടുക്കുകയായിരുന്നെന്നുമാണ് പ്രതികളാക്കപ്പെട്ടവർ പറയുന്നത്. പ്രതികളുടെ മൊഴി ചെങ്ങന്നൂർ ഡിവൈ.എസ്.പി രേഖപ്പെടുത്തി. റിപ്പോർട്ട് മുഖ്യമന്ത്രിയുടെ ഓഫിസിന് ഉടൻ സമർപ്പിക്കും. നാട്ടുകാരുടെ സമിതിയാണ് ക്ഷേത്രഭരണം. താഴികക്കുടത്തിൽ ഇറിഡിയത്തിന്റെ സാന്നിധ്യമുണ്ടെന്ന്‌ 2008ൽ ഖ്യാതി പരന്നതോടെ അവകാശികളായി പലരുമെത്തിയതായാണ്​ കുറ്റപത്രത്തിൽ പറയുന്നത്​. ഊരാഴ്മ അവകാശമുള്ള ചിത്രത്തൂർ മഠക്കാരെ കൂടാതെ, കൊട്ടാരക്കര പുത്തൂരുള്ള ഊരുമഠക്കാരും അവകാശമുന്നയിച്ച്​ എത്തിയിരുന്നു. താഴികക്കുടത്തിൽ ഇറിഡിയമുണ്ടോയെന്ന്​ പരിശോധിക്കാൻ ചിത്രത്തൂർ മഠം ലക്ഷംരൂപ കെട്ടിവെച്ചപ്പോൾ ഊരുമഠക്കാർ സ്​റ്റേ സമ്പാദിച്ചു. ഊരുമഠക്കാർ പവർ ഓഫ് അറ്റോണി കൊടുങ്ങല്ലൂർ സ്വദേശി സുരേഷിന്​ നൽകി. പിന്നീട് സുരേഷിന്റെ സാന്നിധ്യത്തിൽ ഇരുമഠക്കാരും ഒന്നിച്ചു. താഴികക്കുടം മോഷ്ടിച്ച് ഇറിഡിയം കൈക്കലാക്കാനായിരുന്നു നീക്കമെന്നാണ്​ കുറ്റപത്രത്തിൽ. ഇതിന്​ സുരേഷും മറ്റു പ്രതികളായ ശരത്കുമാറും ജോഷിയും പലതവണ കൂടിക്കാഴ്ച നടത്തി. 2011 ഒക്ടോബർ 19ന്‌ ഉച്ചക്ക്​ കുളനടയിലെ ഒരു ലോഡ്ജിൽ ഇവർ കൂടിക്കാഴ്ച നടത്തിയതായി കുറ്റപത്രത്തിൽ പറയുന്നു. താഴികക്കുടത്തിന് ഒരിഞ്ച് 'പവർ' ഉണ്ടെങ്കിൽ 500 കോടി രൂപ വിലവരുമെന്നായിരുന്നു കണക്കുകൂട്ടൽ. എട്ടിഞ്ച്​ പവർ ഉള്ളതായാണ്​ ധാരണ. അങ്ങനെയെങ്കിൽ 4000 കോടിരൂപ വിലമതിക്കും. പ്രത്യേക ഉപകരണത്തിന്റെ സഹായത്തോടെ പവർ കണക്കാക്കി അവിടെതന്നെ തിരികെവെക്കുകയായിരുന്നു ലക്ഷ്യം. 2011 ഒക്​ടോബർ 17നു രാത്രി ക്ഷേത്രം കാവൽക്കാരൻ രഞ്ജിത്ത് പി.വി.സി പൈപ്പിൽ മുളവെച്ചുകെട്ടി അറ്റത്ത്​ പച്ചരി കിഴികെട്ടി താഴികക്കുടത്തിനടുത്ത്​ കൊണ്ടുപോയി ആകർഷണശക്തി പരീക്ഷിച്ചെങ്കിലും ഉദ്ദേശിച്ച ഫലം കണ്ടില്ല. പിന്നീട് 19ന്​ രാത്രി കവർന്നെന്ന്​ കരുതുന്ന താഴികക്കുടത്തിന്റെ മകുടം 22ന്​ പുലർച്ച ചിത്രത്തൂർ മഠത്തിലെ ശക്തികുമാര ഭട്ടതിരിയുടെ പൂട്ടിയിട്ട വീടിന്റെ ഗേറ്റിനകത്ത്​ കണ്ടെത്തി. ചിത്രത്തൂർ മഠത്തിലെ എസ്. ശരത്കുമാർ, തൃശ്ശൂർ മാള ക്ഷേത്രത്തിലെ വെളിച്ചപ്പാട്​ ജോഷി, കൊയിലാണ്ടി വെള്ളാങ്കണ്ടി വീട്ടിൽ രാമചന്ദ്രൻ, കൊടുങ്ങല്ലൂർ ചാറക്കാട്ടിൽ അനീഷ്, മുതവഴി കേളയിൽ വീട്ടിൽ രഞ്ജിത്ത്, കല്ലിശ്ശേരി ഉമയാറ്റുകര പാറതാഴ്ചയിൽ പി.ടി. ലിജു, ഉമയാറ്റുകര പള്ളത്ത് മഠത്തിൽ കെ.ടി. സജീഷ്, വാഴാർമംഗലം ഇടവൂർ മഠത്തിൽ ഗീതാനന്ദൻ എന്നിവരാണ്​ കേസിലെ പ്രതികൾ. ഇതിൽ പി.ടി. ലിജു, ഗീതാനന്ദൻ, കെ.ടി. സജീഷ്, എസ്. ശരത്കുമാർ എന്നിവരാണു മുഖ്യമന്ത്രിക്ക്​ പരാതി നൽകിയത്. സത്യസന്ധമായി പൊലീസിനു മൊഴി കൊടുത്തിരുന്നതായി അഞ്ചാം പ്രതിയായ ശരത്കുമാർ പറയുന്നു. കമ്മിറ്റിക്കാർക്കെതിരെ ചെങ്ങന്നൂർ കോടതിയിൽ സിവിൽ കേസ് ഫയൽചെയ്ത വൈരാഗ്യത്തിലാണ് തന്നെ പ്രതിയാക്കിയതെന്നാണ്​ പരാതിയിലുള്ളത്. ബി.ജെ.പി നേതാവ് അറിയാതെ ഇങ്ങനെ ഒരു മോഷണം നടക്കി‌ല്ലെന്നും പരാതിയിൽ പറയുന്നു. വസ്ത്രത്തിന്‍റെ പേരിലെ വേർതിരിവ്​ അവസാനിപ്പിക്കണം -മുസ്​ലിം സംയുക്തവേദി ആലപ്പുഴ: വസ്ത്രധാരണത്തിന്‍റെ പേരിലെ വേർതിരിവ്​ അവസാനിപ്പിക്കാൻ സർക്കാർ തയാറാകണമെന്ന് മുസ്​ലിം സംയുക്തവേദി. സ്ത്രീയെകൊണ്ട് വസ്ത്രം ഊരി മാറ്റുന്ന സമ്പ്രദായം ചിലർക്ക് കച്ചവട താൽപര്യമാണെങ്കിൽ, മറ്റ് ചിലർക്ക് വംശീയ വെറിയാണെന്ന് സംയുക്തവേദി നേതാക്കൾ പറഞ്ഞു. അതാണ് ഇപ്പോൾ കണ്ടുകൊണ്ടിരിക്കുന്നത്. ഫാഷിസത്തിന്റെ തേർവാഴ്ച കർണാടകയിൽ ഹിജാബിന്റെ പേരിൽ അരങ്ങേറുമ്പോൾ കേരളത്തിൽ സ്റ്റുഡന്‍റ്​സ് പൊലീസ്​ കാഡറ്റിൽ മുസ്​ലിം പെൺകുട്ടിക്ക്​ പ്രവേശനം കിട്ടണമെങ്കിൽ തട്ടം മാറ്റണം. സമരം ചെയ്ത് മാറു​മറയ്ക്കാൻ അവകാശം നേടിയ നാട്ടിലാണ് ഹിജാബ് പ്രശ്നമാകുന്നത്. ചെയർമാൻ ഇഖ്‌ബാൽ സാഗർ അധ്യക്ഷത വഹിച്ചു. കൺവീനർ കെ.എസ്. അഷറഫ്, റഫീഖ്, ഹാരിസ്, നവാസ്, അയ്യൂബ്, ലിയാഖത്ത്, സൈനുദ്ദീൻ, എം.കെ. നവാസ്, നൗഷാദ് പടിപ്പുര എന്നിവർ സംസാരിച്ചു.
Show Full Article
TAGS:
Next Story