Begin typing your search above and press return to search.
exit_to_app
exit_to_app
Posted On
date_range 11 Feb 2022 12:01 AM GMT Updated On
date_range 11 Feb 2022 12:01 AM GMTതൃക്കാക്കര ഉപതെരഞ്ഞെടുപ്പ്: വോട്ട്യന്ത്രങ്ങളുടെ പരിശോധന പൂർത്തിയായി
text_fieldsbookmark_border
കാക്കനാട്: തൃക്കാക്കര നിയമസഭ മണ്ഡലത്തിലേക്കുള്ള ഉപതെരഞ്ഞെടുപ്പിന് മുന്നോടിയായി ഇലക്ട്രോണിക് വോട്ടിങ് യന്ത്രങ്ങളുടെ ആദ്യഘട്ട പരിശോധന പൂർത്തിയായി. 328 യന്ത്രങ്ങളാണ് സജ്ജീകരിക്കുന്നത്. പരീക്ഷണ വോട്ടെടുപ്പ് പരിശോധന വെള്ളിയാഴ്ച നടത്തുമെന്ന് അധികൃതർ അറിയിച്ചു. കുഴിക്കാട്ടുമൂലയിലെ സെന്ട്രല് വെയര്ഹൗസിങ് കോര്പറേഷന്റെ ഗോഡൗണില് രാവിലെ ഒമ്പതുമുതലാണ് പരീക്ഷണ വോട്ടെടുപ്പ്. മുഴുവന് രാഷ്ട്രീയ പാര്ട്ടി പ്രതിനിധികളെയും പങ്കെടുപ്പിച്ചാണ് പരിശോധന നടത്തുക. തെരഞ്ഞെടുപ്പ് വിഭാഗം ഡെപ്യൂട്ടി കലക്ടര് എസ്. ബിന്ദു, കലക്ടറേറ്റിലെ സീനിയർ സൂപ്രണ്ടായ ജോർജ് ജോസഫ് എന്നിവരുടെ നേതൃത്വത്തിൽ ഭാരത് ഇലക്ട്രോണിക്സിന്റെ ബംഗളൂരു യൂനിറ്റിൽ നിന്നെത്തിയ ആറ് എൻജിനീയര്മാരുടെ സംഘമായിരുന്നു ആദ്യഘട്ട സാങ്കേതിക പരിശോധന പൂർത്തിയാക്കിയത്. പരീക്ഷണ വോട്ടെടുപ്പിനുശേഷം പരിശോധന പൂര്ത്തിയായ യന്ത്രങ്ങള് കലക്ടറേറ്റിലെ സ്ട്രോങ് റൂമിലേക്ക് മാറ്റും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story