Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightആലുവ-മൂന്നാർ റോഡ്...

ആലുവ-മൂന്നാർ റോഡ് നാലുവരിയാക്കുന്നതിന്​ പ്രാരംഭ നടപടി

text_fields
bookmark_border
കോതമംഗലം: ആലുവ-മൂന്നാർ റോഡ് നാലുവരിയാക്കുന്നതിനുള്ള പ്രാരംഭ നടപടികളായി. ആലുവ മുതൽ കോതമംഗലം കോഴിപ്പിള്ളി ബിഷപ് ഹൗസ് ജങ്​ഷൻവരെ വരുന്ന റോഡിന്റെ ദൈർഘ്യം 38 കി.മീ. ആണ്. കിഫ്ബിയിൽ ഉൾപ്പെടുത്തി ഒന്നാം പിണറായി സർക്കാറാണ് പദ്ധതി പ്രഖ്യാപിച്ചത്. 23 മീ. വീതിയിൽ നാലുവരിയായാണ് റോഡ് നിർമിക്കാൻ തീരുമാനിച്ചിട്ടുള്ളത്. വളവുകൾ പരമാവധി ഒഴിവാക്കാൻ കഴിയുന്ന വിധമാണ് അലൈൻമെന്റ് തയാറാക്കിവരുന്നത്. തങ്കളം-മലയിൻകീഴ് ബൈപാസും മലയിൻകീഴ്-കോഴിപ്പിള്ളി ബൈപാസും പദ്ധതിയിൽ ഉൾപ്പെടുത്തിയിട്ടുണ്ട്. 1051 കോടി രൂപയുടെ പദ്ധതിയാണ് തയാറാക്കിയിട്ടുള്ളത്. റോഡിന്റെ ഫൈനൽ അലൈൻമെന്റ് തയാറാക്കുന്നതിന് മുന്നോടിയായി കോതമംഗലം നിയോജക മണ്ഡലത്തിൽ വരുന്ന പ്രദേശങ്ങളിൽ ആന്റണി ജോൺ എം.എൽ.എയുടെ നേതൃത്വത്തിൽ ഉന്നതതല സംഘം പരിശോധന നടത്തി.
Show Full Article
TAGS:
Next Story