കാർ വർക്ക്ഷോപ്പിൽ മോഷണം

കോതമംഗലം: നേര്യമംഗലത്ത് ശ്രീനാരായണ കാർ വർക്ക്ഷോപ്പിൽ കവർച്ച. രണ്ട് കാറിന്‍റെ ടയറുകളും ഒരു കാറിന്റെ പുത്തൻ ബാറ്ററിയും നഷ്ടപ്പെട്ടു. ഉടമയുടെ പരാതിയിൽ ഊന്നുകൽ പൊലീസ് കേസെടുത്തു. വ്യാഴാഴ്ച രാത്രിയാണ് കവർച്ച നടന്നത്. ഗേറ്റിന്റെ താഴ് തകർത്ത്​ അകത്തുകടന്നാണ് വർക്ക്ഷോപ്പിൽ അറ്റകുറ്റപ്പണിക്ക്​ എത്തിച്ച കാറുകളുടെ ടയറും ബാറ്ററിയും കടത്തിക്കൊണ്ട് പോയത്. ഒരുകാറിന്റെ മുൻവശത്തെ ചില്ലും തകർത്തിട്ടുണ്ട്. ഓഫിസ് മുറി തുറന്നെങ്കിലും ഒന്നും നഷ്ടപ്പെട്ടില്ല.