താലൂക്ക് ആശുപത്രിയിൽ ഡി.വൈ.എഫ്.ഐ ഭക്ഷണവിതരണം തുടങ്ങി

പറവൂർ: 'കനിവോടെ കരുതലോടെ' പദ്ധതിയുടെ ഭാഗമായി ഡി.വൈ.എഫ്.ഐ ടൗൺ കമ്മിറ്റികളുടെ നേതൃത്വത്തിൽ താലൂക്ക് ആശുപത്രിയിലെ കോവിഡ് വാർഡിലുള്ള രോഗികൾക്കും കൂട്ടിരിപ്പുകാർക്കും ജീവനക്കാർക്കും ഉച്ചഭക്ഷണ വിതരണം തുടങ്ങി. ഡോ. വിനീത പ്രമോദിന് ഉച്ചഭക്ഷണപ്പൊതി നൽകി നഗരസഭ പ്രതിപക്ഷ നേതാവ് ടി.വി. നിഥിൻ ഉദ്ഘാടനം ചെയ്തു. ബ്ലോക്ക് സെക്രട്ടറി എസ്. സന്ദീപ്, ഭാരവാഹികളായ പി.ആർ. സജേഷ് കുമാർ, നിവേദ് മധു, കെ.വി. വിനിൽ, കെ.എം. മിജോഷ് എന്നിവർ സംസാരിച്ചു. ചിത്രം EA PVR taluk asupathri 4 താലൂക്ക് ആശുപത്രിയിൽ കോവിഡ് ബാധിതർക്ക് ഉച്ചഭക്ഷണം നൽകുന്നതിന്‍റെ ഉദ്ഘാടനം നഗരസഭ പ്രതിപക്ഷ നേതാവ് ടി.വി. നിഥിൻ നിർവഹിക്കുന്നു