പിറവത്ത് ഇലക്ട്രിക് വാഹന ചാർജിങ് സ്റ്റേഷൻ

പിറവം: നിയോജക മണ്ഡലത്തില്‍ ഇലക്ട്രിക് വാഹനങ്ങൾക്ക് റീചാർജിങ് സ്റ്റേഷനുകൾ സ്ഥാപിക്കാൻ നടപടി ആരംഭിച്ചതായി അനൂപ് ജേക്കബ് എം.എൽ.എ അറിയിച്ചു. ആദ്യഘട്ടമായി അഞ്ച് സ്ഥലങ്ങളിൽ സ്ഥാപിക്കാനാണ് തീരുമാനം. പിറവം ബസ് സ്റ്റാൻഡിനു സമീപവും കൂത്താട്ടുകുളത്ത് എം.സി റോഡില്‍ ചോരക്കുഴിയിലും പാമ്പാക്കുട പഞ്ചായത്ത് ഓഫിസിന് സമീപവും മുളന്തുരുത്തി പള്ളിക്കു സമീപവും കടുങ്ങമംഗലത്തുമാണ് ആദ്യഘട്ടം നടപ്പാക്കുക.