കൗൺസിലറുടെ വീട്ടിനുള്ളിൽ മലമ്പാമ്പിനെ കണ്ടെത്തി

(പടം) മരട്: നഗരസഭയിലെ ഒന്നാം ഡിവിഷൻ കൗൺസിലർ ശാലിനി അനിൽ രാജിന്‍റെ വീട്ടിൽ കഴിഞ്ഞ ദിവസം രാത്രി മലമ്പാമ്പിനെ കണ്ടെത്തി. വഴിയാത്രക്കാരായ ചെറുപ്പക്കാരാണ് കൗൺസിലറുടെ വീട്ടിലേക്ക് മലമ്പാമ്പ് കയറിപ്പോകുന്നത് കണ്ടത്. കൗൺസിലറും സമീപവാസികളും ചേർന്ന് പാമ്പിനെ പിടികൂടി ഡ്രമ്മിലാക്കി. തുടർന്ന് വനം വകുപ്പ് ഉദ്യോഗസ്ഥരെ ഫോണിൽ ബന്ധപ്പെട്ടെങ്കിലും നടപടിയായില്ല. പിന്നീട് പൊലിസിനെ വിവരമറിയിച്ചെങ്കിലും തങ്ങൾക്ക് ഈ കാര്യത്തിൽ ഒന്നും ചെയ്യാനില്ലെന്നും വനംവകുപ്പ് ഉദ്യോഗസ്ഥരെ വിവരമറിയിക്കാനുമാണ് കൗൺസിലറോട് പറഞ്ഞത്. കൗൺസിലർ സി.ആർ. ഷാനവാസ് വനം വകുപ്പ് ഉദ്യോഗസ്ഥരെ വിവരമറിയിച്ചതിനെ തുടർന്ന് രണ്ട് ദിവസം മലമ്പാമ്പിനെ കൗൺസിലറോട് സൂക്ഷിക്കാൻ പറഞ്ഞിരിക്കുകയാണ്. EC-TPRA-3 Snake കൗൺസിലറുടെ വീട്ടിനുള്ളിൽ കണ്ടെത്തിയ മലമ്പാമ്പ്