ജനവാസ മേഖലയിൽ ആശുപത്രി മാലിന്യം തള്ളിയെന്ന് പരാതി

കോതമംഗലം: നെല്ലിമറ്റം പുലിയൻപാറയിൽ ജനവാസ മേഖലയിൽ സ്വകാര്യ പറമ്പിൽ മാലിന്യം തള്ളി. ആശുപത്രിമാലിന്യങ്ങൾ ഉൾപ്പെടെയുള്ള മാലിന്യങ്ങളുടെ നിരവധി ലോഡാണ് ഇവിടെ തള്ളിയിരിക്കുന്നത്. വേനൽക്കാലത്ത് കുളിക്കാനും തുണികഴുകാനും നിരവധി കുടുംബങ്ങളുടെ ഏക ആശ്രയമായ കുളത്തിന് മുകളിലായാണ് മാലിന്യം കൊണ്ടിട്ടത്. മഴ പെയ്താൽ മാലിന്യം മുഴുവനായും കുളത്തിലേക്ക് ഒലിച്ചിറങ്ങുന്ന സ്ഥിതിയാണ്. ദുർഗന്ധംമൂലം സമീപവാസികളുടെ ജീവിതം ദുസ്സഹമായി. സ്ഥലം ഉടമയുടെ അറിവോടെയാണ് ഇവിടെ മാലിന്യം തള്ളിയിരിക്കുന്നതെന്ന് നാട്ടുകാർ ആരോപിച്ചു. അടിയന്തരമായി മാലിന്യം നീക്കാൻ നടപടി സ്വീകരിക്കണമെന്നാണിവരുടെ ആവശ്യം. EM KMGM 7 waste പുലിയൻപാറയിൽ തള്ളിയ മാലിന്യം