അന്താരാഷ്ട്ര കോണ്‍ഫറന്‍സ് ആരംഭിച്ചു

കൊച്ചി: മാറമ്പള്ളി എം.ഇ.എസ് കോളജിലെ റിസര്‍ച്​ പ്രമോഷന്‍ കൗൺസലി‍ൻെറ ആഭിമുഖ്യത്തില്‍ ഒരാഴ്ചത്തെ അന്താരാഷ്ട്ര കോണ്‍ഫറന്‍സ് മഹാത്മാ ഗാന്ധി സർവകലാശാല വൈസ് ചാന്‍സലര്‍ പ്രഫ. സാബു തോമസ്‌ ഉദ്ഘാടനം ചെയ്​തു. പ്രിന്‍സിപ്പല്‍ ഡോ. പി.പി. മന്‍സൂര്‍ അലി, കോളജ് മാനേജ്​മെന്‍റ് സെക്രട്ടറി അബുൽ ഹസന്‍, ഐ.ക്യു.എ.സി. കോഓഡിനേറ്റര്‍ ഡോ. ജാസ്മിന്‍, സ്റ്റാഫ്‌ അസോസിയേഷന്‍ സെക്രട്ടറി ഡോ. ലീന സി. ശേഖര്‍, സെമിനാര്‍ ഓര്‍ഗനൈസിങ്​ സെക്രട്ടറി കെ.യു. ജസീന എന്നിവര്‍ സംസാരിച്ചു. ഇരുപതോളം രാജ്യങ്ങളില്‍നിന്നുള്ള പ്രശസ്ത ശാസ്ത്രജ്ഞര്‍ സംസാരിക്കും.