കോവിഡ്: മതപരമായ ചടങ്ങുകള്‍ക്കും നിയന്ത്രണം

തിരുവനന്തപുരം: കോവിഡ് വ്യാപനത്തിന്‍റെ പശ്ചാത്തലത്തില്‍ സംസ്ഥാനത്ത് ഏര്‍പ്പെടുത്തിയ നിയന്ത്രണങ്ങള്‍ മതപരമായ ചടങ്ങുകള്‍ക്കും ബാധകമാക്കി. മൂന്നു ദിവസത്തെ ശരാശരി ടെസ്റ്റ് പോസിറ്റിവിറ്റി നിരക്ക് 20ല്‍ കൂടുതലുള്ള ജില്ലകളില്‍ മതപരമായ ചടങ്ങുകളില്‍ പങ്കെടുക്കുന്നവരുടെ എണ്ണം 50 ആയി പരിമിതപ്പെടുത്തും. കഴിഞ്ഞദിവസം എല്ലാത്തരം സാമൂഹിക- രാഷ്ട്രീയ-സാംസ്‌കാരിക-സാമുദായിക പൊതുപരിപാടികളിലും പങ്കെടുക്കുന്നവരുടെ എണ്ണം 50 ആയി കുറച്ചിരുന്നു. ടെസ്റ്റ് പോസിറ്റിവിറ്റി നിരക്ക് 30ല്‍ കൂടിയാല്‍ പൊതുപരിപാടികള്‍ നടത്താന്‍ അനുവദിക്കില്ലെന്ന നിര്‍ദേശം മതപരമായ ചടങ്ങുകള്‍ക്കും ബാധകമാണ്.