കരിയര്‍ ഗൈഡന്‍സ് കാമ്പയിന്‍

ചെങ്ങമനാട്: ന്യൂനപക്ഷ മത വിഭാഗത്തിൽപെടുന്ന ഹൈസ്കൂള്‍ വിദ്യാര്‍ഥികളുടെ സമഗ്ര വ്യക്തിത്വ വികസനം ലക്ഷ്യമാക്കി സംസ്ഥാന ന്യൂനപക്ഷ ക്ഷേമവകുപ്പ് ആവിഷ്ക്കരിച്ച '' (പാസ്​വേർഡ് 2021-22 ) ചെങ്ങമനാട് ഗവ. ഹൈസ്കൂളില്‍ അന്‍വര്‍സാദത്ത് എം.എല്‍.എ ഉദ്ഘാടനം ചെയ്തു. സി.സി.എം.വൈ ആലുവ പ്രിന്‍സിപ്പല്‍ ഡോ. കെ.കെ. സുലേഖ പദ്ധതി വിശദീകരിച്ചു. ജില്ല പഞ്ചായത്ത് ആരോഗ്യ, വിദ്യാഭ്യാസ സ്ഥിരം സമിതി അധ്യക്ഷന്‍ എം.ജെ. ജോമി മുഖ്യപ്രഭാഷണം നടത്തി. ആലുവ എന്‍.എച്ച് ഡിവിഷന്‍ സ്പെഷല്‍ തഹസില്‍ദാര്‍ കെ.എസ്. പരീത് അധ്യക്ഷത വഹിച്ചു. ചെങ്ങമനാട് ഗ്രാമപഞ്ചായത്ത് പ്രസിഡന്‍റ് സെബ മുഹമ്മദലി, വാര്‍ഡ്​ അംഗം സി.എസ്. അസീസ്, പി.ടി.എ പ്രസിഡന്‍റ് പി.എം. മുഹമ്മദ് ഹുസൈൻ, എസ്.എം.സി ചെയര്‍മാന്‍ കെ.ജെ. എല്‍ദോസ് എന്നിവര്‍ സംസാരിച്ചു. ഹെഡ്മിസ്ട്രസ് രജി മോള്‍ മാത്യു സ്വാഗതവും പ്രോഗ്രാം കോഓഡിനേറ്റര്‍ ലിസി തോമസ് നന്ദിയും പറഞ്ഞു.