മാളവനയിൽ വീടിന് തീപിടിച്ചു

പറവൂർ: പുത്തൻവേലിക്കര മാളവന ചേരാനല്ലൂർ ഷാജിയുടെ വീടിന് തീപിടിച്ചു. ഞായറാഴ്ച ഉച്ചക്ക്​ 12.30നാണ് തീപിടിച്ചത്. വീടിന്‍റെ ഒരു മുറിക്കാണ് തീപിടിച്ചത്. ഈ മുറിയിൽ ഉണ്ടായിരുന്ന ഫർണിച്ചറുകളും ആധാർ കാർഡ് ഉൾപ്പെടെയുള്ള ചില രേഖകളും നശിച്ചു. വീട്ടുകാർക്ക് പരിക്കില്ല. ഫയർഫോഴ്സിന്‍റെയും പൊലീസിന്‍റെയും നേതൃത്വത്തിലാണ് തീയണച്ചത്. തീപിടിച്ചതിന്‍റെ കാരണം വ്യക്തമല്ലെന്ന് പൊലീസ് പറഞ്ഞു.