സിയാൽ അഗ്​നിരക്ഷാസേന: പുതിയ അംഗങ്ങളുടെ പാസിങ്ഔട്ട് പരേഡ് നടന്നു

നെടുമ്പാശ്ശേരി: രാജ്യാന്തര വിമാനത്താനത്താവളത്തി​ൻെറ അഗ്​നിരക്ഷാസേനയിൽ (എ.ആർ.എഫ്.എഫ്-എയർപോർട്ട് ​െറസ്‌ക്യൂ ആൻഡ്​ ഫയർ ഫോഴ്‌സ്) പുതിയ അംഗങ്ങളുടെ പാസിങ്ഔട്ട് പരേഡ് നടന്നു. നാലുമാസത്തെ പരിശീലനം പൂർത്തിയാക്കിയ 13 ജൂനിയർ അസി. ട്രെയിനികളാണ് 105 അംഗ സിയാൽ എ.ആർ.എഫ്.എഫിൽ ഭാഗമായത്. ഇലക്ട്രിക്കൽ എൻജിനീയറിങ് ഡിപ്ലോമ അടിസ്ഥാന യോഗ്യതയുള്ളവരെയാണ് സിയാൽ ഈ തസ്തികയിലേക്ക്​ വിവിധ പരീക്ഷകൾക്കുശേഷം ​െതരഞ്ഞെടുക്കാറുള്ളത്. വിമാനത്താവള അഗ്​നിരക്ഷാസേനയിൽ പ്രവർത്തിക്കണമെങ്കിൽ ഇൻറർനാഷനൽ സിവിൽ ഏവിയേഷൻ ഓർഗനൈസേഷൻ (ഐകാവോ) അംഗീകരിച്ച സിലബസിലുള്ള തീവ്രപരിശീലന പരിപാടി പൂർത്തിയാക്കണം. എയർപോർട്ട് അതോറിറ്റി ഓഫ് ഇന്ത്യയുടെ ഡൽഹി, കൊൽക്കത്ത കേന്ദ്രങ്ങളിലാണ് ഈ പരിശീലനം നടക്കുന്നത്. എന്നാൽ, കോവിഡ് പശ്ചാത്തലത്തിൽ പരിശീലനപദ്ധതി നടന്നിരുന്നില്ല. ഈ സാഹചര്യത്തിൽ സിയാലി​ൻെറ ഏവിയേഷൻ അക്കാദമി ഈ പരിശീലന പദ്ധതി ഏറ്റെടുക്കുകയും ഐകാവോ അംഗീകാരം നേടിയെടുക്കുകയും ചെയ്തു. സിയാൽ അക്കാദമി ആദ്യമായാണ് പരിശീലന പദ്ധതി ഏറ്റെടുത്തത്. 2021 സെപ്റ്റംബറിൽ പരിശീലനം തുടങ്ങി. സിയാൽ അക്കാദമി പരിസരത്ത് നടന്ന പാസിങ്ഔട്ട് പരേഡിൽ മാനേജിങ് ഡയറക്ടർ എസ്. സുഹാസ് അഭിവാദ്യം സ്വീകരിച്ചു.