പുഴയിൽ മാലിന്യം തള്ളി

മൂവാറ്റുപുഴ: ചാലിക്കടവ് പാലത്തിൽ പുഴയിലേക്ക് മാലിന്യം തള്ളി. ഭക്ഷണമാലിന്യം അടക്കമുള്ളവയാണ് ചാക്കുകെട്ടുകളിലായി കൊണ്ടുവന്ന് തള്ളിയത്. വ്യാഴാഴ്ച പുലർച്ചയായിരുന്നു സംഭവം. വാട്ടർ അതോറിറ്റിയുടെ കുടിവെള്ള ടാങ്കിന് കുറച്ചു മുകളിലെ ഭാഗത്തായാണ് വലിയ തോതില്‍ ചാക്കുകെട്ടുകളിലായി മാലിന്യം തള്ളിയിരിക്കുന്നത്. ഇവ ഒലിച്ചു പോയി കുടിവെള്ള ടാങ്ക് സ്ഥിതിചെയ്യുന്ന ഭാഗത്ത​ അടിഞ്ഞ്​ ജലം മലിനമാക്കുകയാണ്. മാലിന്യം തള്ളുന്നവർക്കെതിരെ നടപടി സ്വീകരിക്കണമെന്ന് മൂവാറ്റുപുഴ മേഖല പൗരസമിതി പ്രസിഡൻറ്​ നജീര്‍ ഉപ്പൂട്ടിങ്കല്‍ ആവശ്യപ്പെട്ടു. ചിത്രം. പുഴയിൽ തള്ളിയ മാലിന്യം EM Mvpa 2 puzha