ടയർ പൊട്ടി: തടിയുമായി എത്തിയ പിക്​അപ് വാൻ റോഡിൽ കുടുങ്ങി എം.സി റോഡിൽ ഗതാഗതം സ്തംഭിച്ചു

മൂവാറ്റുപുഴ: അമിതമായി തടി കയറ്റി എത്തിയ പിക്അപ് വാൻ ടയർ പൊട്ടി നടുറോഡിൽ കുടുങ്ങി. നഗരത്തിൽ മണിക്കൂറുകളോളം ഗതാഗതം സ്തംഭിച്ചു. അരമനപ്പടിയിൽ ഞായറാഴ്​ച വൈകീട്ട് നാലോടെയാണ് സംഭവം. കോട്ടയം ഭാഗത്തുനിന്ന്​ വന്ന പിക്അപ് വാനാണ്​ അപകടത്തിൽപെട്ടത്​. വാൻ നടുറോഡിൽ കുടുങ്ങിയതോടെ ഗതാഗതം താറുമാറായി. ട്രാഫിക് പൊലീസും നാട്ടുകാരും ചേർന്ന് മണിക്കൂറുകളെടുത്താണ് വാഹനം നീക്കി ഗതാഗതം പുനഃസ്ഥാപിച്ചത്. പെരുമ്പാവൂരിലെ പ്ലൈവുഡ് കമ്പനിയിലേക്കു തടി കൊണ്ടുപോകുകയായിരുന്നു വാൻ. ​െപാലീസ് എത്തി പരിശോധിച്ച​പ്പോൾ സ്​റ്റെപ്പിനി ടയ​േറാ ജാക്കി​േയാ മറ്റു സംവിധാനങ്ങളൊ ഇല്ലായിരുന്നു. എന്തിനേറെ ഡ്രൈവർക്ക് ലൈസൻസും ഇല്ല. പുറമെ അമിതഭാരവും. ഗതാഗതനിയമങ്ങൾ കാറ്റില്‍പറത്തിയാണ് തടിയുമായി നൂറുകണക്കിനു ചരക്കുവാഹനങ്ങൾ ഈ വഴി എത്തുന്നത്. ലോറിയിൽനിന്ന് തടി റോഡിലേക്ക് അഴിഞ്ഞുവീണും തടിലോറികൾ മറിഞ്ഞും ഒട്ടേറെ അപകടങ്ങളാണ് ഉണ്ടാകുന്നത്. അമിതഭാരം മൂലം ടയര്‍ പൊട്ടിയും ആക്സില്‍ ഒടിഞ്ഞും നടുറോഡില്‍ ഗതാഗതക്കുരുക്ക്​ സൃഷ്​ടിച്ച്​ ലോറികള്‍ കിടക്കുന്നത്​ പതിവു കാഴ്ചയാണ്. കയറുകൊണ്ട് കെട്ടിയാണ് ലോറികള്‍ക്കുപിന്നില്‍ തടികള്‍ ലോറി​െയക്കാളും ഉയരത്തില്‍ അടക്കിവെക്കുന്നത്. പിറകില്‍നിന്ന്​ വരുന്ന വാഹനങ്ങള്‍ക്ക് മുന്നിലെ കാഴ്ച മുഴുവന്‍ തടയും. കയറി​ൻെറ ഏതെങ്കിലും ഭാഗം പൊട്ടിയാല്‍ തടികളെല്ലാം പിന്നിൽ വരുന്ന വാഹനത്തിലേക്കായിരിക്കും വീഴുക. തടി വാങ്ങുന്നതിന്​ റോഡി​ൻെറ പലഭാഗത്തും കാത്തുനില്‍ക്കുന്ന ഇടനിലക്കാര്‍ തടി ലോറികള്‍ റോഡില്‍തന്നെ പലയിടത്തും തടഞ്ഞിടുന്നതും പതിവാണ്. മോട്ടോർ വാഹനവകുപ്പ് ഉദ്യോഗസ്ഥരുടെ കൺമുന്നിലൂടെയാണ് ഇത്തരം വാഹനങ്ങൾ അപകടാവസ്ഥയിൽ കടന്നുപോകുന്നതെങ്കിലും നടപടി ഉണ്ടാകാറില്ല. നഗരത്തിലെ അരമനപ്പടിയിൽ ടയർ പൊട്ടി ഗതാഗതക്കുരുക്ക് സൃഷ്​ടിച്ച പിക്അപ് വാൻ Em Mvpa 3 van