പി.എസ്.സി പരിശീലനത്തിന് അപേക്ഷ ക്ഷണിച്ചു

മട്ടാഞ്ചേരി: കേരള സർക്കാർ ന്യൂനപക്ഷ ക്ഷേമ വകുപ്പിന് കീഴിൽ മട്ടാഞ്ചേരിയിൽ പ്രവർത്തിക്കുന്ന ന്യൂനപക്ഷ യുവ ജനതക്കായുള്ള പരിശീലന കേന്ദ്രത്തിൽ ജനുവരി ഒന്നിന് ആരംഭിക്കുന്ന ആറ് മാസത്തെ സൗജന്യ പി.എസ്.സി പരിശീലന ബാച്ചുകളിലേക്ക് അപേക്ഷ ക്ഷണിച്ചു. 18 വയസ്സ്​ പൂർത്തിയായ ന്യൂനപക്ഷ വിഭാഗത്തിൽപെട്ടവർക്ക് അപേക്ഷിക്കാം. ഉദ്യോഗാർഥികളുടെ സൗകര്യമനുസരിച്ച് റെഗുലർ, ഹോളിഡേ ബാച്ചുകൾ ലഭ്യമാണ്. താൽപര്യമുള്ളവർ എസ്.എസ്.എൽ.സി സർട്ടിഫിക്കറ്റ് കോപ്പി, ആധാർ കാർഡ് കോപ്പി, പാസ് പോർട്ട് സൈസ് ഫോട്ടോ എന്നിവ സഹിതം മട്ടാഞ്ചേരി ബസാർ റോഡിലെ യതീംഖാന കെട്ടിടത്തിൽ പ്രവർത്തിക്കുന്ന പരിശീലന കേന്ദ്രത്തിൽ (കോച്ചിങ് സൻെറർ ഫോർ മൈനോറിറ്റി യൂത്ത്) അപേക്ഷ സമർപ്പിക്കണം. അവസാന തീയതി 20ന്​ വൈകീട്ട് അഞ്ച്​ വരെ. ഫോൺ: 8281970272, 7594845696, 7356637887.