എം.ജി സർവകലാശാല

എം.എഡ് സ്പോട്ട് അഡ്മിഷൻ ഇന്ന് കോട്ടയം: സ്‌കൂൾ ഓഫ് പെഡഗോഗിക്കൽ സയൻസസ് നടത്തുന്ന എം.എഡ് പ്രോഗ്രാമി​ൻെറ 2021- 23 ബാച്ചിൽ പ്രവേശനത്തിന് പൊതുവിഭാഗത്തിൽ ഒരു സീറ്റ് ഒഴിവുണ്ട്. സി.എ.ടി - 2021 പ്രോസ്‌പെക്ടസ് നിഷ്​കർഷിക്കുന്ന യോഗ്യതയുള്ളവർ പഠനവകുപ്പിൽ വ്യാഴാഴ്​ച രാവിലെ 11 നകം നേരിട്ട് ഹാജരായി സ്‌പോട്ട് അഡ്മിഷന് രജിസ്​റ്റർ ചെയ്യണം. രജിസ്​റ്റർ ചെയ്യുന്ന അപേക്ഷകരെ മെറിറ്റ് അടിസ്ഥാനത്തിൽ പ്രവേശനത്തിന് പരിഗണിക്കും. എൻ.എസ്.എസ്/ എൻ.സി.സി/ എക്‌സ് സർവിസ് സർട്ടിഫിക്കറ്റുകൾ ഉള്ളവർ അവ ഹാജരാക്കണം. ബിരുദാനന്തര ബിരുദധാരികൾക്ക് മാർക്ക്​ അടിസ്ഥാനത്തിൽ ബോണസ് മാർക്കിനും അർഹതയുണ്ടായിരിക്കും. പ്രവേശനം ലഭിക്കുന്നവർ നിശ്ചിത സി.എ.ടി രജിസ്‌ട്രേഷൻ ഫീസ്, ട്യൂഷൻ ഫീസ്, സ്‌പെഷൽ ഫീസ് മുതലായവ ഇന്നുതന്നെ ഒടുക്കേണ്ടതാണ്. എസ്.സി/ എസ്.ടി/ ഒ.ഇ.സി വിദ്യാർഥികൾക്ക് ജാതി/ വരുമാന സർട്ടിഫിക്കറ്റുകളുടെ അടിസ്ഥാനത്തിൽ നിയമാനുസൃത ഇളവുകൾ ലഭിക്കും. റാങ്ക് ലിസ്​റ്റ്​ സർവകലാശാലയുടെ കീഴിലുള്ള സിവിൽ സർവിസ് ഇൻസ്​റ്റിറ്റ്യൂട്ട് നടത്തുന്ന കോച്ചിങ് പ്രോഗ്രാമി​ൻെറ അടുത്ത ബാച്ചിലേക്കുള്ള റാങ്ക് ലിസ്​റ്റ്​ പ്രസിദ്ധീകരിച്ചു. പരീക്ഷഫലം 2021 ഏപ്രിലിൽ നടന്ന ഏഴാം സെമസ്​റ്റർ എൽഎൽ.ബി (പഞ്ചവത്സരം -സപ്ലിമൻെററി/ മേഴ്‌സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മ പരിശോധനക്കുമുള്ള അപേക്ഷകൾ ഓൺലൈനായി ഡിസംബർ 22 വരെ സ്വീകരിക്കും. പുനർമൂല്യനിർണയത്തിന് 370 രൂപയും സൂക്ഷ്​മ പരിശോധനക്ക്​ 160 രൂപയുമാണ് ഫീസ്​ അടക്കേണ്ടത്