സ്വകാര്യ സുരക്ഷ ജീവനക്കാര്‍ പരിശീലനം ലഭിച്ചവരായിരിക്കണം -കമീഷണര്‍

കൊച്ചി: സ്വകാര്യ സുരക്ഷ ഏജന്‍സികളിലെ ജീവനക്കാര്‍ നിര്‍ബന്ധമായും പരിശീലനം ലഭിച്ചവരായിരിക്കണമെന്ന് കൊച്ചി സിറ്റി പൊലീസ് കമീഷണര്‍ സി. നാഗരാജു. കലൂര്‍ ജവഹര്‍ ലാല്‍ നെഹ്റു സ്​റ്റേഡിയത്തില്‍ പ്രൈവറ്റ് സെക്യൂരിറ്റി ദിനം ഉദ്ഘാടനം ചെയ്യുകയായിരുന്നു അദ്ദേഹം. സ്​റ്റേറ്റ് അസോസിയേഷന്‍ ഓഫ് പ്രൈവറ്റ് സെക്യൂരിറ്റി ഇന്‍ഡസ്ട്രിയും(സാപ്‌സി), സെന്‍ട്രല്‍ അസോസിയേഷനും സംയുക്തമായാണ്​ ആചരിച്ചത്. മികച്ച സ്വകാര്യ സുരക്ഷ ജീവനക്കാരെ ചടങ്ങില്‍ ആദരിച്ചു. ഇനിയുള്ള വര്‍ഷങ്ങളില്‍ ഡിസംബര്‍ നാലിന് പ്രൈവറ്റ് സെക്യൂരിറ്റി ഡേയായി ആചരിക്കുമെന്ന് സംഘടന ഭാരവാഹികള്‍ അറിയിച്ചു. സാപ്‌സി സംസ്ഥാന ഭാരവാഹികളായ ഹബീബ് റഹ്മാന്‍, റെജി മാത്യു, കെ. പത്മരാജന്‍, ശിവന്‍കുഞ്ഞ്, സലിം കണ്ണോളി, എം.കെ. സജിമോന്‍ എന്നിവര്‍ പങ്കെടുത്തു. ഫോട്ടോക്യാപ്ഷന്‍ സ്വകാര്യ സുരക്ഷാ ദിനാചരണം കലൂര്‍ സ്‌റ്റേഡിയത്തില്‍ സിറ്റി പൊലീസ് കമീഷണര്‍ സി. നാഗരാജു ഉദ്ഘാടനം ചെയ്യുന്നു