കെട്ടിടം പൊളിക്കുന്നത് ഹൈകോടതി തടഞ്ഞു

ആലുവ: ആലുവ മാർക്കറ്റ് റോഡിലെ ഗ്രാൻഡ് കവലയിലെ 85 വർഷം പഴക്കമുള്ള സ്വകാര്യ കെട്ടിടം പൊളിക്കുന്നത്​ ഹൈകോടതി താൽക്കാലികമായി തടഞ്ഞു. കെട്ടിടത്തിലെ പഴയ വ്യാപാരികളാണ്​ ഹരജി നൽകിയത്​. അപകടാവസ്ഥയിലായ കെട്ടിടം പൊളിച്ചുമാറ്റാൻ കലക്ടർ നഗരസഭ സെക്രട്ടറിക്കു നിർദേശം നൽകിയതിനെ തുടർന്നാണ് നവംബർ 23ന് പൊളിക്കൽ തുടങ്ങിയത്. മൂന്നുനില കെട്ടിടത്തി​ൻെറ മുകൾ ഭാഗം ഏറക്കുറെ പൊളിച്ചു തീരാറായപ്പോഴാണ് നിരോധന ഉത്തരവ് വന്നത്. കെട്ടിടത്തി​ൻെറ താഴത്തെ നില പൊളിക്കാതെ തങ്ങൾക്ക് തിരികെ നൽകണമെന്നാണ് വ്യാപാരികൾ കോടതിയിൽ ആവശ്യപ്പെട്ടത്.