പെൺകരുത്തി​െൻറ മലയാളിത്തിളക്കം; ഇന്ത്യയുടെ ആദ്യ വനിത 'ക്യാപ്​റ്റൻ' ഹരിത

പെൺകരുത്തി​ൻെറ മലയാളിത്തിളക്കം; ഇന്ത്യയുടെ ആദ്യ വനിത 'ക്യാപ്​റ്റൻ' ഹരിത അരൂർ: കേന്ദ്രസര്‍ക്കാറി​നുകീഴിലെ മറൈന്‍ ഫിഷറീസ് റിസര്‍ച് വെസലുകളില്‍ നിയമിക്കപ്പെടാനുള്ള സ്‌കിപ്പര്‍ (ക്യാപ്റ്റന്‍) പരീക്ഷയില്‍ വിജയം നേടിയ രാജ്യത്തെ വനിതയായി ഹരിത. എരമല്ലൂര്‍ കൈതക്കുഴി കുഞ്ഞപ്പന്‍-സുധര്‍മ ദമ്പതികളുടെ മകളാണ്​​ ഈ അപൂര്‍വനേട്ടം സ്വന്തമാക്കിയത്​. നവംബര്‍ 23ന് നടന്ന പരീക്ഷയുടെ ഫലം കഴിഞ്ഞദിവസം പ്രസിദ്ധീകരിച്ചപ്പോഴാണ് മറൈന്‍ ഫിഷിങ് വെസലുകളെ നയിക്കാനുള്ള ക്യാപ്റ്റന്‍സി നേടുന്ന രാജ്യത്തെ ആദ്യ വനിതയായി തെരഞ്ഞെടുക്കപ്പെട്ട വിവരം ഈ 25കാരി അറിയുന്നത്. സെന്‍ട്രല്‍ ഇൻസ്​റ്റിറ്റ്യൂട്ട്​ ഓഫ് ഫിഷറീസ് നോട്ടിക്കല്‍ ആൻഡ്​ എന്‍ജിനീയറിങ് ട്രെയിനിങ് (സിഫ്നെറ്റ്) ബിരുദം നേടിയശേഷം ചെന്നൈ എം.എം.ഡി നടത്തിയ മേറ്റ് ഓഫ് ഫിഷിങ് വെസല്‍സ് പരീക്ഷയില്‍ മികച്ചവിജയം രണ്ടുവർഷത്തിനുമുമ്പ് നേടിയപ്പോഴും ഹരിത വാര്‍ത്തകളില്‍ ഇടം പിടിച്ചിരുന്നു. തുടര്‍ന്ന്, കേന്ദ്ര സര്‍ക്കാറി​ൻെറയും മറ്റ്​ കമ്പനികളുടെയും വെസലുകളില്‍ 12 മാസത്തോളം സെയിലിങ്ങില്‍ പരിശീലനം നേടി. സിഫ്‌നെറ്റി​ൻെറ ചീഫ് ഓഫ് ഓഫിസറായി സേവനമനുഷ്ഠിച്ചു. മുംബൈ കേന്ദ്രമായ സിനര്‍ജി മറീനേഴ്സി​ൻെറ ഉടമസ്ഥതയിലുള്ള മര്‍ച്ചൻറ്​ നേവി വെസലില്‍ ആസ്ട്രേലിയയില്‍ നിന്ന് യു.എസിലേക്ക് സെയില്‍ നടത്തി തിരിച്ചു വന്നശേഷമാണ് ഹരിത സ്‌കിപ്പര്‍ പരീക്ഷയില്‍ പങ്കെടുത്തത്. 2016ല്‍ ബാച്ചിലര്‍ ഓഫ് ഫിഷറീസ് സയന്‍സ് ആൻഡ്​​ നോട്ടിക്കല്‍ സയന്‍സില്‍ (ബി.എഫ്.എ.സി) ബിരുദം നേടിയ ശേഷമായിരുന്നു ഹരിത ചെന്നൈയില്‍ ഉപരിപഠനവും രാജ്യാന്തര പരിശീലനം നടത്തിയത്. വെസലുകളില്‍ 20 ദിവസം വീതമുള്ള ആസ്‌ട്രേലിയന്‍, യു.എസ് കടൽയാ​ത്രക്ക്​ ശേഷം മടങ്ങിവന്ന ഹരിത ഡിസംബര്‍ 10ന് വീണ്ടും കപ്പൽയാത്രക്ക്​ തയാറെടുക്കുന്നതിനി​െടയാണ് രാജ്യത്തെ ആദ്യ വനിത വെസല്‍ ക്യാപ്റ്റന്‍ എന്ന അപൂര്‍വ നേട്ടം തേടിയെത്തിയത്. മത്സ്യത്തൊഴിലാളി മേഖലയിൽനിന്ന്​ ഏറെ കഷ്​ട​പ്പാടുകൾ സഹിച്ചാണ്​ വിജയക്കൊടി പാറിച്ചത്​. പുരുഷന്മാർ വ്യാപരിക്കുന്ന ഈ മേഖലയിൽ പെൺകരുത്തി​ൻെറ അപൂർവ യോഗ്യതയാണ് എഴുപുന്ന ഗ്രാമത്തിലേക്ക് ഹരിതയിലൂടെ എത്തിയത്​. പ്ലംബിങ് ജോലികൾ ചെയ്​താണ് പിതാവ് കുഞ്ഞപ്പൻ ഹരിതയെ പഠിപ്പിച്ചത്. ഓരോ ക്ലാസിലും ഒന്നാമതെത്തിയാണ്​ മുന്നേറിയത്​. വിജയം ആഘോഷിക്കാൻ കൂട്ടുകാരോടൊപ്പം വിനോദയാത്രക്ക്​ ഇടുക്കിയിലേക്ക്​ പോയപ്പോഴാണ്​ സന്തോഷവാർത്ത തേടിയെത്തിയത്​. കേന്ദ്രസര്‍ക്കാറിന്​ കീഴിലോ മികച്ച സ്വകാര്യ വെസല്‍ കമ്പനികള്‍ക്ക്​ കീഴിലോ ജോലി നേടി വീണ്ടും കടല്‍ സഞ്ചാരം നടത്താനാണ് തീരുമാനം. സഹോദരന്‍: ഹരി. APG haritha ഹരിത APG haritha kappal കപ്പൽയാത്രക്കിടെ ഹരിത