ഹിന്ദി പഠനം കൂടുതൽ ആസ്വാദ്യകരമാക്കും

കൂത്താട്ടുകുളം: കുട്ടികൾക്ക് ഹിന്ദി പഠനം കൂടുതൽ ആസ്വാദ്യകരമാക്കാൻ സുരലി ഹിന്ദി അധ്യാപക പരിശീലന പരിപാടിക്ക് തുടക്കമായി. യു.പി വിഭാഗം മുതൽ പ്ലസ് ടു വരെയുള്ള കുട്ടികൾക്കായാണ് പദ്ധതി നടപ്പാക്കുക. സമഗ്ര ശിക്ഷ കേരള കൂത്താട്ടുകുളം ബി.ആർ.സി നേതൃത്വത്തിൽ യു.പി, എച്ച്.എസ്, എച്ച്.എസ്.എസ് ക്ലാസുകളിലെ അധ്യാപക പരിശീലനം നഗരസഭ ചെയർപേഴ്സൻ വിജയ ശിവൻ ഉദ്ഘാടനം ചെയ്തു. വിദ്യാഭ്യാസ സ്ഥിരം സമിതി അധ്യക്ഷ മരിയ ഗോരോത്ത അധ്യക്ഷതവഹിച്ചു. കൗൺസിലർ പി.ആർ. സന്ധ്യ മുഖ്യപ്രഭാഷണം നടത്തി. ബി.പി.സി ബിനോയ് കെ. ജോസഫ്, ലീന ജോസഫ്, മിനിമോൾ എബ്രഹാം, എൻ. ജയശ്രീ എന്നിവർ ക്ലാസ് നയിച്ചു.