ഇടപ്പള്ളി കുന്നുംപുറം തീപിടിത്തം ഒഴിവായത്​ വൻ ദുരന്തം, രക്ഷകരായത്​ സമീപവാസികൾ

ഇടപ്പള്ളി കുന്നുംപുറം തീപിടിത്തം ഒഴിവായത്​ വൻ ദുരന്തം, രക്ഷകരായത്​ സമീപവാസികൾ കൊച്ചി: സുരക്ഷക്രമീകരണങ്ങൾ ഒരുക്കാതെ പ്രവർത്തിക്കുന്ന ലോഡ്​ജ്​ കെട്ടിടങ്ങൾക്ക്​ മുന്നറിയിപ്പായി ഇടപ്പള്ളി കുന്നുംപുറത്തെ തീപിടിത്തം. രാവിലെ 7.10ഓടെ ഒരുമുറിയിൽനിന്ന്​ പടർന്ന തീ കണ്ണടച്ച്​ തുറക്കു​േമ്പാഴേക്കും മൂന്നുനില കെട്ടിടത്തി​ൻെറ ഒരുവശത്തേക്ക്​ മുഴുവനായി പടർന്നു. ലോഡിങ്​ തൊഴിലാളികളും ഓ​ട്ടോ ഡ്രൈവർമാരുമാണ്​ ആദ്യഘട്ടത്തിൽ രക്ഷകരായത്​. പിന്നീട്​ അഗ്​നിരക്ഷാസേനയും പൊലീസും എത്തി മുഴുവൻ പേരെയും രക്ഷപ്പെടുത്തി. പഴയ ദേശീയപാതയുടെ അരികി​െല കെട്ടിടത്തിന്​ സമീപത്ത്​ രാവിലെ ചായ കുടിക്കാൻ എത്തിയവരാണ്​ ആദ്യം ഒന്നാം നിലയിൽ തീ പടരുന്നത്​ കണ്ടത്​. 104ാം നമ്പര്‍ മുറിയില്‍ അയണ്‍ബോക്‌സ് ഓണാക്കി​െവച്ച ശേഷം ഉടമ ബാത്‌റൂമില്‍ പോയപ്പോഴാണ് തീപടര്‍ന്നതെന്നാണ് സംശയം. താഴത്തെ നിലയിലെ ടെക്​സ്​റ്റൈയിൽസി​ൻെറ മുകളിലത്തെ നിലയിൽ​ തീ കത്തുന്നത്​ ശ്രദ്ധയിൽപെട്ട സമീപവാസികൾ ബഹളം കൂട്ടി മറ്റ്​ മുറിയിലുള്ളവരെ വിളിച്ചു. ഇതോടെ തീപിടിച്ച റൂമുകളിൽ താമസിച്ചിരുന്നവർ തീയണക്കാൻ സഹായിക്കണമെന്ന്​ താഴേക്ക്​ വിളിച്ചുപറഞ്ഞെങ്കിലും ആർക്കും മുകളിലേക്ക്​ കയറാൻ കഴിയാത്ത വിധം പുക നിറഞ്ഞിരുന്നു. അലുമിനിയവും ചില്ലുംകൊണ്ട് പുറംചുവരുകൾ​ അലങ്കരിച്ച കെട്ടിടമാണിത്​. മുറിയിൽ കടുത്ത പുക നിറഞ്ഞതോടെ​ ഒരു സ്​ത്രീ പുറത്തേക്ക്​ ചാടി. അവർക്ക്​ താഴെ വീണ്​ പരിക്കേറ്റു. സമീപവാസികളാണ്​ ഇവരെ കെട്ടിടത്തിന്​ സമീപത്തുനിന്ന്​ ആശുപത്രിയിലേക്ക്​ കൊണ്ടുപോയത്​. മൂന്നുസ്​ത്രീകളും ഒരു കുട്ടിയുമാണ്​ മുറിയിൽ ഉണ്ടായിരുന്നത്​. പിന്നീട്​ അഗ്​നിരക്ഷാസേന​ എത്തിയാണ്​ മറ്റുള്ളവരെ പുറത്തിറക്കിയത്​. രക്ഷപ്പെടുത്താൻ കയറിയവരുടെ കാലും കൈയുമൊക്കെ ചില്ല്​ കൊണ്ട്​ മുറിഞ്ഞിട്ടുണ്ട്​. കെ.എസ്​.ഇ.ബി ജീവനക്കാർ എത്തി വൈദ്യുതിബന്ധം ആദ്യമേ വിച്ഛേദിച്ചത്​ കൂടുതൽ ദുരന്തം ഒഴിവായി. കെട്ടിട​ത്തോട്​ ചേർന്ന്​ ട്രാൻസ്​ഫോർമർ ഉണ്ടായിരുന്നു. ഉറക്കം വിട്ടുണർന്നത്​ ദുരന്തമുനമ്പിലേക്ക്​ കൊച്ചി: ഉറക്കത്തില്‍നിന്ന് ഉണര്‍ന്നുവരുമ്പോഴാണ്​ കെട്ടിടത്തിൽ താമസിച്ചിരുന്നവർ കൺമുന്നിലെ ദുരന്തം കണ്ടത്​. തീയും പുകയും നിറഞ്ഞ മുറികൾ. പരിഭ്രാന്തരായ സ്ത്രീകള്‍ ഒച്ച​െവച്ചെങ്കിലും ആരും ശ്രദ്ധിച്ചില്ല. ഒടുവില്‍ ഇവര്‍ കരഞ്ഞ് കെട്ടിടത്തി​ൻെറ ചില്ലില്‍ അടിച്ചു ശബ്​ദം ഉണ്ടാക്കിയപ്പോഴാണ് മുറികളിൽ ആളുകളുണ്ടെന്നത്​ പുറത്തുള്ളവർ അറിഞ്ഞത്. വിവരമറിഞ്ഞ് ഉടന്‍ ചേരാനല്ലൂര്‍ പൊലീസ് എത്തി. അപ്പോഴേക്കും ഒന്നാംനിലയില്‍ തീ പടര്‍ന്നുകഴിഞ്ഞു. കെട്ടിടത്തിലെ മുറികളെല്ലാം എ.സി ഘടിപ്പിച്ചിരുന്നു. ചുറ്റിലും ചില്ലുമറയും. താമസക്കാരായ രണ്ട് സ്ത്രീകള്‍ താഴേക്ക്​ ചാടിയതോടെ മുകള്‍ നിലയില്‍ ഒറ്റപ്പെട്ടുപോയ ഒമ്പതുവയസ്സുകാരനെ ചേരാനല്ലൂര്‍ എസ്.ഐ ടി.എക്‌സ്. ജയിംസ് രക്ഷപ്പെടുത്തി. കുട്ടിയുമായി താഴേക്കു പോകാന്‍ കഴിയാത്ത വിധത്തില്‍ പരിസരമാകെ ശ്വാസം മുട്ടിക്കുന്ന പുക നിറഞ്ഞിരുന്നെന്ന്​ അദ്ദേഹം പറഞ്ഞു. അപ്പോഴേക്കും തീ കൈയകലത്ത് എത്തിയിരുന്നു. 10മുറിയുള്ള കെട്ടിടത്തിലെ മുകളിലെ മുറിയിലും താഴത്തെ മുറിയിലുമാണ് താമസം ഉണ്ടായിരുന്നത്. കെട്ടിടം ഭാഗികമായി കത്തി നശിച്ചു. പിന്‍ഭാഗത്തെ കോണി വഴി കയറിയാണ് അഗ്​നിരക്ഷാസേന തീയണച്ചത്. താഴത്തെ നിലയില്‍ ഉണ്ടായിരുന്നവര്‍ പൊട്ടിത്തറി ശബ്​ദം കേട്ടിരുന്നു. രാത്രിയാണ്​ തീപടർന്നതെങ്കിൽ വൻ ദുരന്തമായി മാറുമായിരു​െന്നന്ന്​ പൊലീസുകാർ പ്രതികരിച്ചു.