കര്‍ഷകരുടെ ആവശ്യങ്ങൾ അംഗീകരിക്കണം -കെ. ബാബു എം.എൽ.എ

കൊച്ചി: കര്‍ഷകരെ ശത്രുക്കളെപ്പോലെ കണ്ട കേന്ദ്രസർക്കാറിന്​ മാപ്പുപറയേണ്ടിവന്നത് ഉത്തരേന്ത്യയില്‍ നടക്കാനിരിക്കുന്ന തെരഞ്ഞെടുപ്പുകള്‍ മുന്നില്‍കണ്ടാണെന്നും ആത്മാര്‍ഥതയുണ്ടെങ്കില്‍ കര്‍ഷക സംഘടനകള്‍ ഉന്നയിക്കുന്ന ആവശ്യങ്ങള്‍ അംഗീകരിക്കണമെന്നും കെ. ബാബു എം.എൽ.എ. കിസാന്‍ കോണ്‍ഗ്രസ് ജില്ല കമ്മിറ്റി മേനകയില്‍ സംഘടിപ്പിച്ച ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. കിസാന്‍ കോണ്‍ഗ്രസ് ജില്ല പ്രസിഡൻറ് കെ.ജെ. ജോസഫ് അധ്യക്ഷത വഹിച്ചു. ടി.ജെ. വിനോദ് എം.എല്‍.എ, സംസ്ഥാന പ്രസിഡൻറ് ലാല്‍ വര്‍ഗീസ് കല്‍പകവാടി, ഐ.കെ. രാജു, ടോണി ചമ്മണി, സംസ്ഥാന ഭാരവാഹികളായ ജോര്‍ജ് കൊട്ടാരം, മുഹമ്മദ് പനക്കല്‍, കെ.പി. ഏലിയാസ്, സംസ്ഥാന കമ്മിറ്റി അംഗം പി.സി. ജോര്‍ജ്, ഭാരവാഹികളായ രാജന്‍ വര്‍ഗീസ്, എ.ഡി. ഉണ്ണി, എന്‍.പി. കുര്യാക്കോസ്, സെബി ആൻറണി, ഭദ്രന്‍ മാസ്​റ്റര്‍, കെ.എ. അസീസ്, കെ.ഇ. കാസിം, കുര്യാക്കോസ് തിരുവാണിയൂര്‍, ജെയിംസ് കോരബെല്‍, അനില്‍ പുത്തന്‍വേലിക്കര എന്നിവര്‍ സംസാരിച്ചു.