മത്സ്യ ബിൽ: തങ്ങളെ പിഴിയാൻ ലക്ഷ്യമിടുന്നതെന്ന്​ വ്യവസായികൾ

കൊച്ചി: നിയമസഭ പാസാക്കിയ 'കേരള മത്സ്യലേലവും വിപണനവും ഗുണപരിപാലനവും ബില്‍' തങ്ങളെ പിഴിയാൻ ലക്ഷ്യമിടുന്നതാണെന്ന്​ മത്സ്യവ്യവസായികൾ. നിലവിൽ പഞ്ചായത്തി​ൻെറയും ഫുഡ് സേഫ്റ്റിയുടെയും സര്‍ട്ടിഫിക്കറ്റോടെയാണ് മത്സ്യകയറ്റുമതിക്കാരും വ്യാപാരികളും പ്രവര്‍ത്തിക്കുന്നത്. ഇതെല്ലാം വീണ്ടും ഫിഷറീസ് വകുപ്പി​ൻെറ കീഴില്‍കൂടിയാക്കുകയാണ്​ നിയമത്തിൽ. മത്സ്യ വ്യവസായികളെ ഉപദ്രവിക്കാനും പിഴിയാനുമാണ് ഈ നിയമംകൊണ്ട്​ ഉദ്ദേശിക്കുന്നതെന്ന്​ സീഫുഡ്​ എക്​സ്​പോർ​ട്ടേഴ്​സ്​ അസോസിയേഷൻ ഓഫ്​ ഇന്ത്യ മാനേജിങ്​ കമ്മിറ്റി അംഗം അലക്​സ്​ കെ. നൈനാൻ പറഞ്ഞു. ഫിഷറീസ് വകുപ്പിന് ഗ​​ുണപരിശോധന സംവിധാനങ്ങൾ ഒന്നുമില്ല. കയറ്റുമതി മേഖലയിലെ വാഹനങ്ങളിലെ മത്സ്യത്തി​ൻെറ ഗുണനിലവാരംവരെ പരിശോധിക്കാന്‍ ഫിഷറീസ് ഓഫിസര്‍ക്ക് നിയമം അധികാരം നല്‍കുന്നു. ശാസ്ത്രീയ പരിശോധന പിന്‍ബലമില്ലാതെ ഫിഷറീസ് ഓഫിസര്‍ മത്സ്യത്തിന് നിലവാരമി​െല്ലന്ന് പറഞ്ഞാല്‍ അങ്ങനെയല്ലെന്ന്​ തെളിയിക്കേണ്ട ബാധ്യത മത്സ്യ കയറ്റുമതിക്കാര​ൻെറ ചുമലിലാകും. ഉദ്യോഗസ്ഥ​ൻെറ തീരുമാനത്തിനെതിരെ അപ്പീല്‍ പോകണമെങ്കില്‍ പിഴത്തുക കെട്ടി​െവക്കണമെന്നും നിയമം പറയുന്നു. എക്‌സ്‌പോര്‍ട്ട് ഇന്‍സ്പെക്​ഷന്‍ അതോറിറ്റി (ഇ.ഐ.എ), മറൈന്‍ പ്രോഡക്ട് ​െഡവലപ്​മൻെറ്​ അതോറിറ്റി (എം.പി.ഡി.എ) എന്നീ കേന്ദ്ര ഏജന്‍സികളുടെ നിയന്ത്രണത്തിലാണ് മത്സ്യ സംസ്‌കരണ മേഖല പ്രവര്‍ത്തിക്കുന്നത്. പുറമേ സംസ്ഥാന സര്‍ക്കാറിൻെറ നിയന്ത്രണത്തിലേക്ക്് വ്യാപാരികളെ കൊണ്ടുവരാനാണ് സംസ്ഥാന സര്‍ക്കാര്‍ ശ്രമിക്കുന്നതെന്നും അദ്ദേഹം പറഞ്ഞു. നിലവില്‍ പഞ്ചായത്ത് ലൈസന്‍സോടെ പ്രവര്‍ത്തിക്കുന്ന പീലിങ്​ ഷെഡുകള്‍ക്ക്​ കൂടുതല്‍ നിയന്ത്രണങ്ങള്‍ ബില്ലില്‍ വ്യവസ്ഥ ചെയ്യുന്നുണ്ട്​. മത്സ്യ കയറ്റുമതി വ്യവസായികള്‍ പലരും ആന്ധ്രപ്രദേശ്​ ഉൾപ്പെടെയുള്ള സംസ്ഥാനങ്ങളിലേക്ക് ചേക്കേറുകയാണ്. ഹാര്‍ബറുകളുടെ അവസ്ഥ ദയനീയമാണെന്നും സൗകര്യങ്ങൾ ചെയ്തുതരാതെയാണ് നിയന്ത്രണങ്ങൾ ഏര്‍പ്പെടുത്താന്‍ സംസ്ഥാന സര്‍ക്കാര്‍ ശ്രമിക്കുന്നതെന്നും വ്യവസായികൾ കുറ്റ​െപ്പടുത്തുന്നു.