ക്ഷേത്രമേൽശാന്തിയുടെ ഭാര്യയും കുഞ്ഞും വിഷം ഉള്ളിൽ ചെന്ന്​ മരിച്ചു

ചെങ്ങന്നൂർ: രണ്ടുമാസം മുമ്പ്​ കോവിഡ്​ ബാധിച്ച്​ മരിച്ച തിരുവിതാംകൂർ ദേവസ്വം ബോർഡ് മേൽശാന്തിയുടെ ഭാര്യയും ആറുമാസം പ്രായമുള്ള കുഞ്ഞും വിഷം ഉള്ളിൽ ചെന്ന്​ മരിച്ചു. ചെങ്ങന്നൂർ ആലാ വടക്കുമുറിയില്‍ തിങ്കളാഴ്ച അര്‍ധരാത്രിയോടെയാണ്​ സംഭവം.​ മേൽശാന്തിയായിരുന്ന ഹരിപ്പാട് ​െവട്ടുവേനി നെടുവേലില്‍ വീട്ടിൽ സൂര്യന്‍ ഡി. നമ്പൂതിരിയുടെ ഭാര്യ അദിതി (24), മകന്‍ കല്‍ക്കി സൂര്യൻ (ആറുമാസം) എന്നിവരാണ്​ അദിതിയുടെ വീടായ വിളവില്‍ വീട്ടില്‍ വിഷം അകത്തുചെന്ന്​ മരിച്ചത്​. കോവിഡ്​ ബാധിച്ച്​ സൂര്യൻ നമ്പൂതിരിയും മാതാവ്​ ശ്രീദേവി അന്തർജനവും സെപ്​റ്റംബർ ഏഴിനും എട്ടിനുമാണ്​​ മരിച്ചത്​. ഇതിനുശേഷം ആലായിലെ കുടുംബവീട്ടിലേക്ക്​ വന്ന അദിതി കടുത്ത മാനസിക വിഷമത്തിലായിരുന്നു. പിഞ്ചുകുഞ്ഞിന് വിഷം നല്‍കിയശേഷം ഇവർ ആത്മഹത്യ ചെയ്യുകയായിരു​െന്നന്നാണ്​ ​െപാലീസ്​ നല്‍കുന്ന പ്രാഥമിക വിവരം. ആലാ വിളവില്‍ ശിവദാസ്-ഇന്ദിരദേവി ദമ്പതികളുടെ മകളാണ്. അവശനിലയില്‍ ഇരുവരെയും തിരുവല്ല പുഷ്പഗിരി മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും അദിതി അപ്പോഴേക്കും മരിച്ചിരുന്നു. തീവ്രപരിചരണ വിഭാഗത്തില്‍ പ്രവേശിപ്പിച്ച മകൻ കല്‍ക്കി ചൊവ്വാഴ്ച പുലര്‍ച്ച 1.35ന്​ മരിച്ചു. ചെങ്ങന്നൂര്‍ പൊലീസ് നടപടി സ്വീകരിച്ചു. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹങ്ങൾ ബുധനാഴ്ച പോസ്​റ്റ്​മോർട്ടത്തിനുശേഷം ബന്ധുക്കൾ ഏറ്റുവാങ്ങി ആലായിലെ വീട്ടുവളപ്പിൽ സംസ്കരിക്കും.