ഉന്നതവിജയം നേടിയ ഇരട്ടസഹോദരങ്ങൾക്ക് സ്കോളർഷിപ്പുമായി കെ.എസ്.യു

പള്ളുരുത്തി: പ്രതികൂല സാഹചര്യങ്ങളിൽനിന്ന് എസ്.എസ്.എൽ.സി പരീക്ഷയിൽ ഉന്നത വിജയം കരസ്ഥമാക്കിയ ഇരട്ട സഹോദരങ്ങളായ നാഥിലിനും സാദിലിനും പഠനസ്കോളർഷിപ്പുമായി കെ.എസ്.യു. എസ്.എസ്.എൽ.സി പരീക്ഷയിൽ ഇരുവരും എല്ലാ വിഷയങ്ങൾക്കും എ പ്ലസ് നേടിയിരുന്നു. വീട്ടിൽ ടെലിവിഷൻ ഉണ്ടായിരുന്നില്ല. പിതാവി​ൻെറ മൊബൈൽ ഫോണിലാണ് ഇരുവരെയും കൂടാതെ ഇളയ സഹോദരനും ഓൺലൈൻ പഠനം നടത്തി പ്രതികൂല സാഹചര്യങ്ങളെ അതിജീവിച്ച് ഉന്നത വിജയം നേടിയത്. ഹൈബി ഈഡൻ എം.പി ഇരുവർക്കുമുള്ള സ്കോളർഷിപ് തുക ചിറക്കൽ കോളനിയിലെ വീട്ടിലെത്തി കൈമാറി. കെ.എസ്.യു സംസ്ഥാന കോഓഡിനേറ്റർ അഫാൻ റഹ്​മാൻ, ആർ. ത്യാഗരാജൻ, തമ്പി സുബ്രഹ്മണ്യൻ, കൗൺസിലർ അഭിലാഷ് തോപ്പിൽ, പി.പി. ജേക്കബ്, പി.ജി. ഗോപിനാഥ്, ജോസി ചാണയിൽ, ജോസി ചാലയിൽ, ജെസീന്ത, ജൂഡ് തോപ്പുംപടി എന്നിവർ പങ്കെടുത്തു.