ഇന്ധനനികുതി കുറക്കാത്തതിൽ പ്രതിഷേധം

കോതമംഗലം: നരേന്ദ്ര മോദി സർക്കാർ മുട്ടുമടക്കിയിട്ടും കേരള സർക്കാർ ഒരുരൂപ പോലും ഇന്ധന നികുതി കുറക്കാത്തതിൽ ഐ.എൻ.ടി.യു.സി നെല്ലിക്കുഴി മണ്ഡലം കമ്മിറ്റി പ്രതിഷേധസമരം സംഘടിപ്പിച്ചു. കോൺഗ്രസ് മണ്ഡലം പ്രസിഡൻറ് അലി പടിഞ്ഞാറേച്ചാലിൽ ഉദ്ഘാടനം ചെയ്തു. ഐ.എൻ.ടി.യു.സി മണ്ഡലം പ്രസിഡൻറ് ഇബ്രാഹിം എടയാലി അധ്യക്ഷത വഹിച്ചു. ചന്ദ്രലേഖ ശശിധരൻ, പരീത് പട്ടമ്മാവുടി, എം.വി. റെജി, എം.എ. കരീം, സീതി മുഹമ്മദ്, വിൽസൺ ഇല്ലിക്കൽ, ബഷീർ പുല്ലോളി, ബഷീർ ചിറങ്ങര, വിനോദ് കെ. മേനോൻ, കെ.പി. കുഞ്ഞ്, അബ്​ദുൽസലാം മണിയാട്ടുകുടി, അജാസ് പാറ, മീരാൻ കാമ്പാക്കുടി, അസീസ് പാറപ്പാട്ട് തുടങ്ങിയവർ സംസാരിച്ചു.