കൺസ്യൂമർ ഫെഡ് ജീവനക്കാരുടെ രാപ്പകൽ സമരം സമാപിച്ചു

കൊച്ചി: കൺസ്യൂമർ ഫെഡ്​ ജീവനക്കാരുടെ അടിയന്തര ആവശ്യങ്ങളുന്നയിച്ച്​ വർക്കേഴ്സ് അസോസിയേഷൻ (സി.ഐ.ടി.യു) കടവന്ത്ര ഗാന്ധിനഗറിലെ ഹെഡ് ഓഫിസിനു മുന്നിൽ നടത്തിയ 36 മണിക്കൂർ രാപ്പകൽ സമരം അവസാനിച്ചു. ആദ്യദിനം സി.ഐ.ടി.യു ദേശീയ സെക്രട്ടറി ചന്ദ്രൻ പിള്ള ഉദ്ഘാടനം ചെയ്തു. കെ.വി. മനോജ് അധ്യക്ഷത വഹിച്ചു. രണ്ടാം ദിവസ സമരം സി.ഐ.ടി.യു ജില്ല സെക്രട്ടറി ജോൺ ഫെർണാണ്ടസ് ഉ്​ഘാടനം ചെയ്തു. സമാപനം സി.ഐ.ടി.യു സംസ്ഥാന സെക്രട്ടറി കെ.എൻ. ഗോപിനാഥ് ഉദ്ഘാടനം ചെയ്തു. കെ. ഗിരീഷ് അധ്യക്ഷത വഹിച്ചു.