സ്മാർട്ട്​ ഫോൺ ടെക്നോളജി ക്ലാസിന്​ ഓഗ്​മെൻറഡ്​ റിയാലിറ്റി

സ്മാർട്ട്​ ഫോൺ ടെക്നോളജി ക്ലാസിന്​ ഓഗ്​മൻെറഡ്​ റിയാലിറ്റി കളമശ്ശേരി: സ്​മാർട്ട്​ ഫോൺ അറ്റകുറ്റപ്പണി ക്ലാസുകൾ പ്രതീതി യാഥാർഥ്യ (ഓഗ്​മൻെറഡ് റിയാലിറ്റി), സാങ്കൽപിക യാഥാർഥ്യ (വെർച്വൽ റിയാലിറ്റി) സാങ്കേതികവിദ്യയുടെ സഹായത്തോടെ പഠിപ്പിക്കുന്ന ലോകത്തെ ആദ്യ മലയാളി ഉടമസ്ഥതയിലുള്ള സ്ഥാപനം കളമശ്ശേരിയിൽ. മലപ്പുറം ആസ്ഥാനമായ ബ്രിട്കോ ആൻഡ്​​ ബ്രിഡ്കോയാണ് കളമശ്ശേരി ഇൻറഗ്രേറ്റഡ് സ്​റ്റാർട്ടപ് കോംപ്ലക്​സിൽ സ്ഥാപനം തുടങ്ങിയത്. എക്​സ്.ആർ ഹൊറൈസൺ വെർച്വൽ സ്​റ്റു​ഡിയോയിൽ വ്യവസായമന്ത്രി പി.രാജീവ് ക്ലാസ്റൂം ഉദ്​ഘാടനം ചെയ്​തു. കേരള സർക്കാറി​ൻെറ കെ.ജി.സി.ഇ അംഗീകാരമുള്ള ബ്രിട്കോ ആൻഡ്​​ ബ്രിഡ്കോ, കേന്ദ്രസർക്കാറി​ൻെറ മിനിസ്ട്രി ഓഫ് സ്കിൽ ഡെവലപ്മൻെറിന്​ കീഴിലുള്ള ടെലികോം സെക്​ടർ സ്കിൽ കൗൺസിലി​ൻെറ കേരളത്തിൽനിന്നുള്ള ഏക അക്കാദമിക് പാർട്ണറാണ്.സ്ഥാപനത്തി​ൻെറ ഓൺലൈൻ കോഴ്സായ സ്മാർട്ട്​ഫോൺ ഫൗണ്ടേഷൻ പ്രോഗ്രാമിൽ ചേരാൻ സ്കൂൾ വിദ്യാർഥികൾ പത്തും പ്ലസ് ടു വിദ്യാർഥികൾ ഇരുപതും കോളജ് വിദ്യാർഥികൾ മുപ്പതും ശതമാനം ഫീസ് അടച്ചാൽ മതി. മറ്റുള്ളവർക്ക് 50 ശതമാനം ഫീസിളവുണ്ട്. ഈ മാസം 11 വരെ പ്രവേശനം നേടുന്നവർക്കാണ് ഇളവ്. കളമശ്ശേരിയിൽ നടന്ന വാർത്തസമ്മേളനത്തിൽ ബ്രിട്കോ ആൻഡ്​ ബ്രിഡ്കോ മാനേജിങ് ഡയറക്ടർ മുത്തു കോഴിച്ചെന, ചെയർമാൻ ഹംസ അഞ്ചുമുക്കിൽ, ഇൻസ്​റ്റിറ്റ്യൂട്ട് ഓഫ് മൊബൈൽ ഫോൺ ടെക്നോളജി മാനേജിങ് ഡയറക്ടർ വി.പി.അബ്​ദുല്ലക്കുട്ടി, ജനറൽ മാനേജർ രാകേഷ് ബി.മേനോൻ, സീനിയർ മാനേജർ (ടെക്നിക്കൽ) കെ.ശ്യാം പ്രതീഷ് എന്നിവർ പങ്കെടുത്തു. GEN KALA 1 STARTUP ഓഗ്​മൻെറഡ് റിയാലിറ്റി, വെര്‍ച്വല്‍ റിയാലിറ്റി സാങ്കേതികവിദ്യയുടെ സഹായത്തോടെ സ്മാര്‍ട്ട്​ ഫോണ്‍ അറ്റകുറ്റപ്പണി പഠിപ്പിക്കുന്ന ലോകത്തെ ആദ്യ സ്ഥാപനമായ മലപ്പുറം ആസ്ഥാനമായ ബ്രിട്‌കോ ആൻഡ്​ ബ്രിഡ്‌കോയുടെ എ.ആര്‍/വി.ആര്‍ ക്ലാസ്‌റൂം വ്യവസായമന്ത്രി പി.രാജീവ് ഉദ്ഘാടനം ചെയ്യുന്നു