ചെട്ടിനട പാടത്ത് തോട് കെട്ടി നടപ്പാത നിര്‍മിക്കാന്‍ നടപടിയായി

പെരുമ്പാവൂര്‍: കൂവപ്പടി ഗ്രാമപഞ്ചായത്ത് ആറാം വാര്‍ഡിലെ ചെട്ടിനട പാടത്ത് തോട് കെട്ടി സംരക്ഷണത്തിന് നടപടി സ്വീകരിച്ചതായി ഗ്രാമപഞ്ചായത്ത് പ്രസിഡൻറ്​ മിനി ബാബു പറഞ്ഞു. ഇതോടൊപ്പം ഇവിടെ താമസിക്കുന്ന പട്ടികജാതി കുടുംബങ്ങള്‍ക്ക് തോടിനു മുകളില്‍ സ്ലാബ് ഇട്ട് നടപ്പാത കൂടി നിര്‍മിക്കാൻ 15.72 ലക്ഷം രൂപ വകയിരുത്തി. തോട്ടില്‍ വെള്ളമുയര്‍ന്നാല്‍ ആശുപത്രിയിലേക്ക് രോഗികളെ പോലും കൊണ്ടുപോകാന്‍ കഴിയാത്ത സ്ഥിതിയാണ്. ഈ പ്രദേശത്തുകാരുടെ നാളുകളായിട്ടുള്ള ആവശ്യമാണ് സഫലമാകുന്നത്. ഇതുമായി ബന്ധപ്പെട്ട് പ്രദേശവാസി നല്‍കിയ പരാതി പരിശോധിക്കാനായി പ്രസിഡൻറ മിനി ബാബു, വൈസ് പ്രസിഡന്റ് ബേബി തോപ്പിലാന്‍, സ്ഥിരം സമിതി അധ്യക്ഷരായ പി.വി. സുനില്‍, ജിജി ശെല്‍വരാജ്, പഞ്ചായത്തംഗം സിനി എല്‍ദോ, പി.പി. എല്‍ദോ, എം.പി. പ്രകാശ് എന്നിവര്‍ സ്ഥലം സന്ദര്‍ശിച്ചു. em pbvr 1 Mini Bau കൂവപ്പടി ഗ്രാമപഞ്ചായത്ത് ആറാം വാര്‍ഡിലെ ചെട്ടിനട പാടത്ത് തോട് കെട്ടി സംരക്ഷിക്കുന്നതി​ൻെറ ഭാഗമായി ഗ്രാമപഞ്ചായത്ത് പ്രസിഡൻറ്​ മിനി ബാബുവി​ൻെറ നേതൃത്വത്തിലുള്ള സംഘം സന്ദര്‍ശിക്കുന്നു