താലൂക്ക് കൺവെൻഷൻ

മൂവാറ്റുപുഴ: ഗ്രന്ഥശാലകളിലെ ലൈബ്രേറിയൻമാരുടെ ജോലിസ്ഥിരത ഉറപ്പാക്കണമെന്നും സേവനവേതന വ്യവസ്ഥകളിൽ കാലോചിത മാറ്റം വരുത്തി ജീവിതഭദ്രത ഉറപ്പുവരുത്തണമെന്നും ലൈബ്രേറിയൻസ് യൂനിയൻ മൂവാറ്റുപുഴ ആവശ്യപ്പെട്ടു. ജില്ല പ്രസിഡൻറ്​ പി.ആർ. രഘു ഉദ്ഘാടനം ചെയ്തു. യൂനിയൻ താലൂക്ക് പ്രസിഡൻറ്​ കെ.കെ. പുരുഷോത്തമൻ അധ്യക്ഷത വഹിച്ചു. താലൂക്ക് ലൈബ്രറി കൗൺസിൽ സെക്രട്ടറി സി.കെ. ഉണ്ണി മുഖ്യപ്രഭാഷണം നടത്തി. കൗൺസിൽ ജോയൻറ്​ സെക്രട്ടറി പി.കെ. വിജയൻ, പി.ഒ. ജയൻ, കെ.ജി. ലാലു, വത്സല സോമൻ, ബിനി മുരളീധരൻ, റാണി സാബു, ജയ്സൺ എന്നിവർ സംസാരിച്ചു.