ഇടുക്കി, ഇടമലയാർ അണക്കെട്ട്​ തുറക്കൽ: രണ്ടാം ദിനവും പെരിയാർ ആശ്വാസതീരത്ത്​

മഴ പെയ്​തത്​ ഇന്നലെ വൈകീട്ട്​ മാത്രം കൊച്ചി: ഇടുക്കി, ഇടമലയാർ അണക്കെട്ടുകൾ തുറന്നുവിട്ടതി​ൻെറ രണ്ടാം ദിനത്തിലും ജലനിരപ്പ്​ കാര്യമായി ഉയരാതെ പെരിയാർ. ബുധനാഴ്​ച പകൽ ജില്ലയിൽ ഓറഞ്ച്​ മുന്നറിയിപ്പ്​ നൽകിയ നിലയിൽ മഴ പെയ്​തില്ല. വൈകീട്ട്​ പലയിടങ്ങളിലായി ഇടിയോട്​ കൂടിയ മഴ പെയ്​​െതങ്കിലും അപകടകരമായ നിലയിലേക്ക്​ എത്തിയില്ല. വൈകീട്ട്​ ഏഴോടെ പെരിയാറിലെ ജലനിരപ്പ്​ അളക്കുന്ന മൂന്നിടത്തും ജലത്തി​ൻെറ അളവ്​ കുറയുന്ന പ്രവണതയാണ്​ കാണിച്ചത്​. മാർത്താണ്ഡ വർമയിൽ 0.805 മീറ്റർ ആയിരുന്നു ജലനിരപ്പ്​. ഇവിടെ പ്രളയമുന്നറിയിപ്പ്​ നൽകേണ്ടി വരുന്നത്​ 2.50 മീറ്റർ വെള്ളം ഉയരു​േമ്പാൾ മാത്രമാണ്​. മംഗലപ്പുഴയിൽ 0.70 മീറ്റർ, കാലടിയിൽ 1.955 മീറ്റർ എന്നിങ്ങനെയാണ്​ നദിയിൽ വെള്ളമുള്ളത്​. കാലടിയിൽ 5.50 മീറ്റർ ജലം ഉയർന്നാലാണ്​ പ്രളയ മുന്നറിയിപ്പ്​ നൽകുക. കേന്ദ്ര ജല കമീഷ​ൻെറ അറിയിപ്പിൽ പെരിയാറിലെ നിലവിലെ ജലനിരപ്പ്​ 2.60 മീറ്ററായാണ്​ കണക്കാക്കുന്നത്​. 7.10 മീറ്റർ ജലനിരപ്പ്​ എത്തിയാലാണ്​ പ്രളയ മുന്നറിയിപ്പ്​ പുറത്തിറക്കുക. ഇടമലയാർ അണക്കെട്ടിൽ ബുധനാഴ്​ച വൈകീട്ട്​ ഏ​േഴാടെ ജലനിരപ്പ്​ 165.40 മീറ്ററായി കുറഞ്ഞു. അണക്കെട്ടിലെ രണ്ട്​, മൂന്ന്​ ഷട്ടറുകൾ ഇപ്പോഴും 80 സെ.മീ. വീതം തുറന്ന്​ ജലമൊഴുക്കുന്നുണ്ട്​. 169 മീറ്ററാണ്​ അണക്കെട്ടിലെ പൂർണ സംഭരണശേഷി. നിലവിൽ 89.78 ശതമാനമായി ജലത്തി​ൻെറ അളവ്​ കുറഞ്ഞിട്ടുണ്ട്​. മണിക്കൂറിൽ 4.50 ലക്ഷം ക്യുബിക്​ മീറ്റർ വെള്ളമാണ്​ അണക്കെട്ടിൽനിന്ന്​ പുറന്തള്ളുന്നത്​. വൈകീട്ട്​ ഏഴോടെ കോതമംഗലം ഭൂതത്താൻകെട്ട്​ ബാരിയർ വഴി സെക്കൻഡിൽ 910 ക്യുബിക്​ മീറ്റർ ജലമാണ്​ ഒഴുകുന്നത്​. ഇടുക്കി, ഇടമലയാർ അണക്കെട്ടുകളുടെ വെള്ളം എറണാകുളം ജില്ലയിൽ പെരിയാർ നദിയിലേക്ക്​ ഒരുമിക്കുന്നത്​ ഭൂതത്താൻകെട്ടിന്​ സമീപത്താണ്​. ജില്ലയിലെ താലൂക്കുതലങ്ങളിൽ തുറന്ന കൺട്രോൾ റൂമുകളിലെ അറിയിപ്പ്​ അനുസരിച്ച്​ നേരിയ തോതിലാണ്​ മഴ ​അനുഭവപ്പെടുന്നത്​. കോതമംഗലം താലൂക്കിൽ വൈകീട്ട്​ മൂന്നുമുതൽ മഴ തുടങ്ങിയിരുന്നു. അണക്കെട്ടുകളിൽനിന്ന്​ തുറന്നുവിട്ട ജലം ബുധനാഴ്​ച പുലർച്ച വേലിയിറക്ക നേരത്ത്​ കൃത്യമായി കടലെടുത്തതോടെ ജില്ല ഭരണകൂടവും കെ.എസ്​.ഇ.ബി ഉദ്യോഗസ്ഥരും ആശ്വാസമുതിർത്തു. രാത്രി പുലരുവോളം മത്സ്യബന്ധന ബോട്ടുകളുമായി തൊഴിലാളികളും എൻ.ഡി.ആർ.എഫ്​ സംഘവും പൊലീസും അഗ്​നിരക്ഷാസേനയുമെല്ലാം ആലുവ, പറവൂർ, പാറക്കടവ്​, കാലടി മേഖലകളിൽ നിലയുറപ്പിച്ചിരുന്നു.