ഇന്ത്യൻ ഹോക്കിയിൽ മാറ്റങ്ങൾക്ക് തുടക്കം -റൂഫസ് ഡിസൂസ

മട്ടാഞ്ചേരി: ഇന്ത്യൻ ഹോക്കി പ്രതാപത്തിലേക്കുള്ള തിരിച്ചുപോകലി​ൻെറ പാതയിലാണെന്നും അതിനുള്ള മാറ്റങ്ങൾക്ക് തുടക്കംകുറി​െച്ചന്നും മുതിർന്ന പരിശീലകനും തിരുകൊച്ചി, കേരള സംസ്ഥാന ഹോക്കി ടീമുകളുടെ ക്യാപ്റ്റനുമായിരുന്ന റൂഫസ് ഡിസൂസ. പി.ആർ. ശ്രീജേഷി​ൻെറ നേതൃത്വത്തിലെ ഇന്ത്യൻ ടീമി​ൻെറ വെങ്കല നേട്ടത്തോട്​ പ്രതികരിക്കുകയായിരുന്നു അദ്ദേഹം. ദേശീയ കായിക ഇനമായി ഹോക്കിയെ അംഗീകരിച്ചതുതന്നെ ഇന്ത്യ പുലർത്തുന്ന മികവ് കണക്കിലെടുത്താണ്​. എന്നാൽ, ഹോക്കി നമ്മിൽനിന്ന്​ അകന്നുപോയി. പുതിയ തിരിച്ചുവരവ് ഒളിമ്പിക്സിലെ വിജയത്തിലൂടെ സാധ്യമാണ്. ആദ്യഘട്ടത്തിൽ പുറത്താകുമെന്ന് കരുതിയിരുന്ന ടീമാണ് മികച്ച ഒത്തൊരുമയിലുള്ള കളി പുറത്തെടുത്ത് മുന്നേറിയത്. സെമിയിലെ തോൽവി നിർഭാഗ്യം കൊണ്ടായിരു​െന്നന്ന് പറയാതെവയ്യ. ശ്രീജേഷി​ൻെറ സേവുകൾ ഇന്ത്യൻ വിജയത്തി​ൻെറ നെടുംതൂണായി മാറുകയും ചെയ്തു. ഈ വിജയം വനിത ടീമിനും പ്രചോദനമാണ്. ഇന്ത്യൻ വിജയം നിലനിർത്താനും കൂടുതൽ മികവിലേക്ക് ഉയരാനും വേണ്ടസൗകര്യം ഒരുക്കാൻ ദേശീയ ഫെഡറേഷനും സർക്കാറും ഉണരണമെന്നും ഫിറ്റ് ഇന്ത്യ അവാർഡ് ജേതാവുകൂടിയായ റൂഫസ് ഡിസൂസ പറഞ്ഞു. ഒളിമ്പ്യൻ ദിനേശ് ഷേണായി അടക്കമുള്ള നിരവധി താരങ്ങളുടെ പരിശീലകൻ കൂടിയാണ് ഡിസൂസ.