വീണ്ടും രാജേഷ്​ മണിമല; ഇത്തവണ വാക്സിൻ ചലഞ്ച്​

കോട്ടയം: പ്രതികളെ ചിത്രങ്ങൾക്കുള്ളിലാക്കി കുടുക്കുന്ന കാക്കിയുടെ കലാകാരൻ വീണ്ടും 'കേരളത്തിനൊപ്പം'. വാക്​സിൻ വിലയിൽ വിവാദവും ചലഞ്ചും നിറയുന്നതിനിടെയാണ്​ സ്വന്തം ചലഞ്ചുമായി പൊലീസിലെ രേഖാചിത്രകാരനും എ.എസ്.ഐയുമായ രാജേഷ് മണിമല ​രംഗത്തെത്തിയത്​. രണ്ട് ഡോസ്​ കോവിഡ്​ വാക്​സി​ൻെറ വിലയായ 800 രൂപയോ അതിൽ കൂടുതലോ മുഖ്യമന്ത്രിയുടെ ദുരിതാശ്വാസ നിധിയിലേക്ക്​ സംഭാവന നൽകിയതി​ൻെറ രസീത് ത​ൻെറ ഫേസ്​ബുക്കിലിട്ടാൽ മുഖചിത്രം വരച്ചുനൽകുമെന്നാണ്​ വാഗ്​ദാനം.​ ഇത്തരത്തിൽ ശനിയാഴ്​ച ഉച്ചവരെ 50,000 രൂപയുടെ രസീതാണ്​ രാജേഷിന്​ ലഭിച്ചത്​. ഫേസ്​ബുക്കിലൂടെ വ്യാഴാഴ്​ചയാണ്​ രാജേഷ്​ ചലഞ്ച്​ പ്രഖ്യാപിച്ചത്​. വിവിധ സൂചനകളിൽനിന്ന്​ കാണാമറയത്തുള്ള പ്രതികളുടെ രേഖാചിത്രം തയാറാക്കുന്ന കോട്ടയം ജില്ല ക്രൈം റെക്കോഡ്സ് ബ്യൂറോയിലെ എ.എസ്.ഐ രാജേഷ് മണിമല നേരത്തേയും ചലഞ്ചുമായി രംഗത്തെത്തിയിര​ുന്നു​. പ്രളയദുരിതാശ്വാസ നിധിയിലേക്ക്​ 500 രൂപയെങ്കിലും സംഭാവന ചെയ്തവരുടെ ചിത്രം വരച്ചു നൽകുമെന്നായിരുന്നു വാഗ്ദാനം. അന്ന് ഒഴുകിയെത്തിയത് 1.48 ലക്ഷത്തി​ൻെറ രസീത്​. കഴിഞ്ഞ കോവിഡ് കാലത്ത് മറ്റൊരു ചലഞ്ചുമാ​െയത്തി. 1000 രൂപയെങ്കിലും സംഭാവന നൽകിയതി​ൻെറ രസീത് നൽകിയാൽ രാജേഷ് വരച്ച പെയിൻറിങ്​ സമ്മാനം. അന്ന് അമ്പതിനായിരത്തോളം രൂപയാണ് ലഭിച്ചത്. ഇത്തവണ ചലഞ്ച്​ ഏറ്റെടുത്തവരുടെ എണ്ണം വർധിച്ചതോടെ വാട്ടർ കളറിലായിരുന്ന ചിത്രരചന ഒന്ന്​ മാറ്റിപ്പിടിച്ചിരിക്കുകയാണ്​. ഇപ്പോൾ ഇങ്ക്​ ആൻഡ്​​ പെൻ ഉപയോഗിച്ചാണ്​ ചിത്രരചന. വാട്ടർ കളർ ഉപയോഗിക്കു​േമ്പാൾ ചെലവ്​​ ഏറും. സ്വന്തം ​െകെയിൽനിന്നാണ്​​ ഇതിന്​ പണം കണ്ടെത്തുന്നത്​. മാവേലിക്കര ഫൈൻ ആർട്സ് കോളജിൽനിന്ന് ചിത്രകലയിൽ ഡി​​പ്ലോ​മ നേടിയ ശേഷമാണ് രാജേഷ് മണിമല (പി.പി. രാജേഷ്​) പൊലീസുകാരനായത്. രാജേഷ് വരച്ച രേഖാചിത്രങ്ങളിലൂടെ നിരവധി കേസുകൾക്കാണ് തുമ്പുണ്ടായത്. ഏറ്റവും ഒടുവിൽ തിരുവനന്തപുരം ടെക്നോ സിറ്റിക്ക് സമീപം കാർ തടഞ്ഞ് ജ്വല്ലറിയിലേക്ക് കൊണ്ടുപോയ നൂറിലേറെ പവൻ കൊള്ളയടിച്ച പ്രതികളെ തിരിച്ചറിയാനും രാ​േജഷ് വരച്ച രേഖാചിത്രങ്ങൾ തുണയായി. പൊലീസിൽ രേഖാ ചിത്രകാരൻ എന്നൊരു പോസ്​റ്റില്ലെങ്കിലും ഡി.ജി.പിയുടെ പ്രത്യേക ഉത്തരവോടെയാണ് രേഖാചിത്രങ്ങൾ വരക്കുന്നത്. ചികിത്സാർഥം വിശ്രമത്തിലായതിനാൽ കിടക്കയിലാണ്​ ഇപ്പോൾ ചിത്രരചന. അതിനാൽ കൂടുതൽ ചിത്രം വരക്കാനും കഴിയുന്നുണ്ട്​. കഴിഞ്ഞ തവണ വരച്ചുനൽകിയ ചിത്രങ്ങൾക്ക്​ കൃത്യമായ കണക്കില്ലായിരുന്നു. ഇത്തവണ, ഒാരോരുത്തരുടെയും പേരുവിവരങ്ങൾ ശേഖരിക്കുന്നുണ്ട്​. പടം KTG rajesh manimala painting-